ئەو ئافرەتا کو د سێ هەڤچەرخان دا ژیا کۆچا داویی کر
ئێن ئارتى
ئیما مۆرانۆ ب تەمەنترین کەسا جیهانێ و ئەو ئافرەتا کو تنێ ل هەڤچەرخێ ١٩ێ دژیانێ دا مابوو، کۆچا داویی کر.
مۆرانۆ کو د سێ هەڤچەرخان دا ژیابوو و دوو جەنگێن جیهانی و پتر ژ ٩٠ حکومەتێن ئییتالی دییت بوو، دوهی ١٥ێ نیسانا ٢٠١٧ێ د تەمەنێ ١١٧ سالیدا کۆچا داویی کر.
رێکەفتی ١٢ێ ئایارا ٢٠١٧، سوسانا موشان ل تەمەنێ ١١٦ سالیدا ل نیویورک کۆچا داویی کر و ناڤێ وێ چوو کتێبا گینس وەکە ب تەمەنترین کەس.
مۆرانۆ ل ٢٩ێ تشرینا دوویەما ١٨٩٩ ل ئییتالیا ژ دایک بوە و بویە ئێکەم ئافرەت کو د سێ هەڤچەرخان دا ژیابیت.
مۆرانۆ هەشت خویشک و برا هەبوون، ب وێ ئێکێ ناڤاداربوون کو تەمەنێن مالباتا وان درێژ بوون ب رەنگەکی تەمەنێ دایک و خوشک و برایێن وێ گەهیشتبوو ٩٠ سال، هەروەسا خوشکەکا وێ هەیا تەمەنێ ١٠٢ سالی ژیابوو.
بەری وەغەرکرنا وێ پرسیار ل وێ هاتبوو کرن دەربارێ کو مالباتا وان بوچی بۆ تەمەنەکێ درێژ دژین، مۆرانۆ راگەهاندبوو کو ل پارانیا رۆژان خواردنێن مفا بۆ لەشی دخۆار وەک هێک و شیر و ب شەڤێ بەری دەمژمێر ٧ێ شەڤێ دنڤست و سپێدێ بەری دەمژمێر شەش ژ خەو رادبوو”.
د نها دا لگۆری گرۆپا ڤەکولینا زانستی یا دانعەمران کو گرۆپەکا ئەمریکیە،ب تەمەنترین کەس د ژیانێ دا مابیت جامایکان ڤیۆلێت بروانە کو ل ١٠ێ ئادارا ١٩٠٠ ژدایک بویە.
ز.ح
تُتاح هذه الصورة أيضا في: کوردی