حهبێن رێگرتن ل زارۆبوونێ دێ ژ زهیتونێ هێنه چێكرنا
ئهڤرۆ نیوز:
ڤهكۆلینهكا ئهمریكا مادهكی سرۆشتی یێ ناڤ زهیتونێ ئاشكهرا كر كو د شیان دایه رێگریێ ل دروستبوونا زارۆیی بكهت وهكو حهبێن رێگریكهر بهێته ب كارئینان.
نوشدارێن زانكۆیا بێركلی ل ئهمریكا دبێژن: “مادهكێ سرۆشتی یێ د ناڤ زهیتونێ دا ڤهدیتی، دشیان دایه رێگریێ ل سپێرمی بكه دا كو نهگههیته هێكێ، ئهو روون دكهن ژی خوارنا گهلهك زهیتونان نهشێت رێگریێ ل دووگیانێ بكهت، بهلێ خوارنا پێكهاتێ كیمیاوی ب رهنگێ حهبێ دێ شێت رێگریێ كهت.
سهرۆكا تیما ڤهكۆلهران، د. پۆلینا لیشكۆ دبێژیت: “ههردو رهگهز دشێن ڤان حهبان ب كار ئینن بۆ رێگرتن ل زارۆبوونێ، كارتێكرنێن لاوهكی ژی یێن حهبان وهكو بهری نوكه كو دبنه ئهگهرێ تووشبوونێ ب نهخۆشیێن دلی و كلۆبوونا خوینێ و خهمۆكیێ نینن”.
د. پۆلینا خۆیا ژی دكهت كو ماددێ لیوپۆل و پرایمیسترینی یێ ناڤ زهیتونێ دشێت سپێرمان ب راوهستینیت و ئهوێ هێزێ كێم بكهت كو دشێت د وێ رێ دا بچته ناڤ هێكێ، ههر دیسا ددهته زانین ئهڤ ماددێ كیمیاوی یێ د ناڤ “مانگۆ، تری و ئهلۆڤێرایێ دا ههیی”.
سهرۆكا تیما ڤهكۆلهران دبێژیت: “ماددێ كیمیاوی یێ بۆ خانێن سپێرم نهیێ ژههراوی یه، سپێرم دشێت پشتی هنگی ژی ب لڤن، بهلێ ههمان كارتێكرن نامینیت”، د دهمهكی دا كو ئهڤ حهبێن دهێنه بهرههمئینان دشیان دایه پشتی پێنج دهمژمران ل سهر بۆرینا سكسی ژی بهێنه بكاربینن و كارتێكرنا رێگریێ ل سهر زارۆبوونێ دێ ههبیت.
ڤهكۆلهرێن ئهمریكی ب هیڤی نه ئهو دهرمانێ نوو د ماوێ دو سالێن دی دا بكهڤیته بهر دهستێ ژن و زهلامان كو دشیان دایه بهری و پشتی سكسی ب كار بینن.
تُتاح هذه الصورة أيضا في: کوردی