بزانن تەلەڤزیۆن چەند زیانێ دگههينته زارۆكان؟
باسنيوز:
لای ھەندێک کەس، ئالوودەبوون تەنیا بە جگەرە و نێرگەلە و ماددەی ھۆشبەرە، بێ گومان ئەوانە زیانی زۆرە، بەلام ئالوودەبوون بە تەماشاکردنی تەلەڤزیۆنیش زیانی یەکجار زۆرە.
ماڵپەڕی (مەوزوع) زیانەکانی ئالوودەبوون بە تەلەڤزیۆن بەپێی توێژینەوە زانستییەکان بەم خاڵانە روون دەکاتەوە:
• دایک و باوک ئاگایان لە منداڵەکەیان نامێنێت، ئەو کەسانەی کە لە سەعاتێک زیاتر تەماشای تەلەڤزیۆن دەکەن، لە ڕووی جەستەیی و دەروونییەوە، لە منداڵەکانیان جیا دەبنەوە.
• جیابوونەوە لەنێوان تاکەکانی خێزان زیاتر دەکات.
• منداڵان فێری رەفتاری ناپەسەند دەبن، بەتایبەتی ئەگەر دایک و باوکان ئاگاداری منداڵەکەیان نەبن و نەزانن منداڵەکەیان تەماشای چی دەکات، چونکە تەلەڤزیۆن وەکوو جاران نەماوە، ئێستا زۆر کەناڵ لەخۆی دەگرێت، ھەندێ کەناڵ ھەن کە منداڵەکە لەسەر ڕێگەی ڕەوشتی جوان لادەدات.
• کار لە ئاستی ڕۆشنبیریی منداڵەکە دەکات، ئەگەر تەماشای ئەو کەناڵاەنە بکات، کە ئاستی ڕۆشەنبیری دێنێتە خوارەوە.
• بێھێزکردنی مێشک، بە پڕکردنی بە زانیاریی بێ سوود.
• خەوتنی جەستەیی بە شێوەیەکی بەرچاو، بەپێی لێکۆڵینەوەکان، تەماشاکردنی تەلەڤزیۆن، دوای تێپەڕبوونی یەک خولەک، مێشکی کەسەکە دەچێتە ناو حاڵەتێکەوە، وەکوو خەوتن وایە.
• بڵاوکردنەوەی ترس لەناو دڵی کەسەکان، بەتایبەتی منداڵان، ئەگەر تەماشای ئەو ھەواڵانە بکات، کە کوشتن و خوێنی تێدا دەردەکەوێت.
• لاساییکردنەوەی کوێرانە، واتا لاساییکردنەوەی ئەو کردارانەی کە لە فیلمی ترسناک، یاخود فیلمی ئاکشن، یان لە بەرنامەکانی وەکوو (زۆرانبارزی) دەردەکەوێت.
تُتاح هذه الصورة أيضا في: کوردی