هێزێن ئیراقی چووینه د سهنتهرێ تهلهعفهر دا
WAAR-دهۆك:
هێزێن ئیراقێ ژ دو ئالیان ڤه چووینه د سهنتهرێ باژارێ تهلهعفهر دا و پێشڤهچوونێن وان بهردهوامن، لگۆر سوپایێ ئیراقێ ژی د بیست و چار دهمژمێرێن بۆری دا، دههـ هزار سڤیل ژ وی باژاری دهركهتینه.
شانهیا راگههاندنا شهری یا ئیراقێ د بهیاننامهیهكێ دا دیاركر: فرقهیا زریپۆشان یا سوپایێ ئیراقێ ژ ئالیێ رۆژههلاتی ڤه چوویه د سهنتهرێ باژارێ تهلهعفهر دا و هێزێن دژه تیرۆرێ ژی نها چووینه د تاخا كیفاح دا و ژ ئالیێ باشۆرێ رۆژئاڤا ڤه پێشڤهچوونێ بهر ب سهنتهرێ باژاری دكهن.
ژ ئالیێ خوهڤه، نهقیب جهبار حهسهن ژ سوپایێ ئیراقێ راگههاند: نێزیكی دههـ هزار سڤیلان د دهمێ بیست و چار دهمژمێرێن بۆری دا، ژ تهلهعفهر بهر ب دهڤهرێن بن دهستههلاتا سوپایی رهڤینه.
تێ زانین، ژبلی سهنتهرێ باژارێ تهلهعفهر كو د دهست داعشێ دایه، ههردو باژارۆكێن عیازیێ و محهلهبیێ و نێزیكی چل و حهفت گوندێن سنۆرێن دهردورێن وان هێشتا د دهست داعشێ دا ماینه.
تُتاح هذه الصورة أيضا في: کوردی