هۆزانڤان كەمال گاباری:پێتڤیە هۆنەرێ شنگالێ بێتە ئەرشیفكرن
تۆرا لالش یا راگەهاندنێ
هۆزانڤانێ شنگالێ(كەمال ئیبراهیم) بەرنیاسە ب كەمال گاباری د كورتە دیدارەكێ دا بۆ رۆژناما دەنگێ لالش دیاركر،هەتا نهۆ وی (32) هۆزان لسەر شێوازێ قۆناغا ئازاد نڤیسینە پتریا وان ئەڤینی و نیشتیمانی نە،خواست ژی كو پێتڤیە هۆنەرێ شنگالێ ژ هندابوون و حەلیانێ بێتە ئەرشیفكرن.
هەروەسا گۆت:ئێكەمین هۆزان ل سالا (2012)ێ من نڤیسیە و بەلنگازی و خەم و دەرد و شەڤێن تاری د هۆزانا من دا رەنگ ڤەددەن و ئامادەمە هۆزانێ بدەمە هۆنەرمەندان،تەكەزكر پشتی رێكخراوا داعش هێرش كریە سەر شنگالێ و داگیركری و كۆمكوژی دەرهەقی خەلكێ وێ ئەنجام داین،كەفتمە بن كارتێكرنا وێ كۆمكوژیێ و چەندین هۆزان من پێ نڤیساینە،لێ ژبەركو بارێ دارایی هاریكار نینە من نكارییە بكەمە كلیپ،ئەگەر هاریكاریا مادی هەبت ئامادەمە هۆزانان لسەر پێشمەرگەهێن قەهرەمان و مێرخاسێن چیایێ شنگالێ كلیپ بكەم،دیسان دبینم ژپێخەمەت ژ ووندابوون و حەلیانێ پێتڤیە هۆنەرێ شنگالێ بێتە ئەرشیفكرن.
گاباری خویاكر ژی هۆزان دەردەكێ گرانە،ژبەركو هەموو خەم و نەخۆشیێن جڤاكی هۆزانڤان هەلدگرت و دكەتە هۆزان،دیسان هۆزان نەبتنێ هزر و هەستە بەلكو مەبەستە ژی،ئاماژەكر ژی ژبلی ڤی كارێ خۆ تەمبورێ ژی دژەنم و سۆزێ ددەم هندی هەبم د خزمەتا هۆنەرێ شنگالێ و كوردستانێ دا بم.
تُتاح هذه الصورة أيضا في: کوردی