ئامیرێ (ستە و بەرەستە) و دووبارە بكارئینانا وی دڤی سەردەمی دا
تۆرا لالش یا راگەهاندنێ /باسم قاسم شنگالی 
ستە و بەرەستە:دوو ئامیرێن پێكڤە دگرێداینە بۆ هەلكرنا ئاگری و ئێك بێ ئێكی كار ناكت و دكەڤندا و هەر ژ دەستپێكا پەیدابوونا مرۆڤی ئەڤ ئامیرە ب كارئیناینە بۆ هەلكرنا ئاگری ،ودبت هەر مرۆڤەكی ئەڤ ئامیرە هەبت و نە هەر مالێ بتنێ بەلكۆ دگەل هەموو كەسان دا هەبوو ب تایبەتی ل دەمێ زڤستانی.
ستە:ژ ئاسنێ پێلایی دهاتە چێكرن و ئەڤە ژی ئاسنگەری چێدكر ، پێتڤی بوو كو پیلا با داكو ئاگر ژێ چووبا و ب شێوێ گڕۆڤر دهاتە چێكرن كو هەردوو تلێن مرۆڤی چووبانە دناڤ دا وەكو گوستیلێ و هەردوو سەرێن وی دگەهاندنە ئێك وەكو بازنی لێ دكرن و لایێ ژ دەرڤە یێ پان بوو نێزیكی 2سم و دگۆتنێ ستە.
بەرەستە:جۆرەكی بەری بوو ل گەلەك جیا هەنە ل شنگالێ و كوردستانێ ، ئەم كارن بێژن كو پرانیا گوند و چیا ئەڤ جۆرە بەرە لێ هەنە بەرەكی سپیە و هندەك راڤ یان خیچێن رەش یان شین لێ هەنە ، پشتی ب دەست خۆ دئێخست دگەل ستە د ئامادەبوون و هەردوو تلێن خۆ دكرنە دستەیدا و وەكی گوستیلێ و ب دەستێ دی بەر و پشكا پۆش دگرت و دكرنە ددەستێ خۆدا یان دانا سەر ستە و ب بەری دا و چەق ژێ دچوون و ب پۆش دكەڤتن و ئاگر بەردا پۆش و ب وێ پشكا پۆش ئاگر هەلدكر،چنكو وی دەمی شخاتە و ماكینە و چەقماق نەبوون و ئاگر ب ستە و بەرەستا هەلدكر و هەر كەسەكێ هندەك بۆش دگەل دا بوو ژبۆ هەلكرنا ئاگری..لێ نهۆ نایێ بكارئینان ژبەر پێشڤەچوونا تەكنلۆژیایێ و دروستبوونا ئامیرێن ئاگر هەلكرنێ.
لێ وەسا تێ گۆتن كو رۆژەكێ هەموو سنعەت دێ سەكنت و ل قەول و قەسیدێن ئێزدیان دا وەسا هاتیە دیاركرن و دێ دووبارە ئێتە بكارئینان،هەموو ئەو ئامیرێن بەرێ دهاتن بكارئینان دێ دیسا ئێنە بكارئینان ،وەكو ل قەولێ بەدیلا سنعەت كاملا دا هاتیە دیار كرن(دێ سنعەت كامل بت ل سەدێ سێزدێ بەدیلا نەهە سەدێ).
تُتاح هذه الصورة أيضا في: کوردی