ههسهدێ ئامارا حهفتییا بۆری یا هێرشێن سهر عهفرینێ بهلاڤ كر
WAAR-دهۆك:
هێزێن سووریایا دیمۆكرات ئامارا شهر و پێكدادانێن خوه یێن حهفتیهكێ دگهل هێزێن توركیێ و گرۆپێن سهر ئۆپزسیۆنا سووریێ بهلاڤكر، و راگههاند، هێزێن وان چارسهد و حهفتێ و سێ سهربازێن سوپایێ توركیێ و هێزێن ئۆپزسیۆنا سووریێ كۆشتینه.
لگۆرهی راگههاندنا ههسهدێ دایه زانین، ژ ئهنجامێ هێرشێن سوپایێ توركیێ و گرۆپێن ئۆپزسیۆنا سووریێ، ژ بیست و شهشێ كانوونا دوێ یا بۆری و تا ئێكی سباتێ فرۆكهیێن شهركهرێن توركیا چارسهد و حهفتێ و پێنج هێرشێن ئهسمانی كرینه سهر بارهگههێن هێزێن وان و جهێن سڤیلان ل ناڤهندا باژاری و توپخانهیان توركیێ ژی نێزیكی دو هزار توپ و چهكێن گران هاڤێتینه ههمان بارهگههـ و ناڤهندان.
ئاشكهرا ژی كر، هێزێن سووریایا دیمۆكرات دوسهد و پێنجی جاران راستهراست شهر دگهل هێزێن توركی و گرۆپێن ئۆپزسیۆنا سووریێ كریه یێن كو توركیا پشتهڤانیێ لێ دكهت و چارسهد و حهفتێ و سێ سهربازێن وان هێزان هاتینه كوشتن، و ههڤدهم سیهـ و چار چهكدارێن هێزێن سووریایا دیمۆكرات ژی ژیانا خوه ژ دهستدایه.
د راگههاندنا ههسهدێ دا هاتییه ژی، تا نها تهرمێن سیهـ و دو سهربازێن سوپایێ توركیێ و چهكدارێن وان گرۆپان د مهیدانێن شهران دا ماینه.
لدۆر زیانێن سڤیلان ژی ههسهدێ خویا كر، د هێرشێن سووپایێ توركیێ دا پتری سیهـ سڤیلان هاتینه كوشتن و ب دههانێن دیتر ژی برینداربووینه.
تُتاح هذه الصورة أيضا في: کوردی