هێزێن سهر ب توركیا ڤه دهست ب تالانكرنا عهفرینێ كر
WAAR-دهۆك:
هێزێن سهر ب سوپایێ توركیا ڤه ل ناڤا عهفرینێ دهست ب دزی و تالان و سوتنا مولك و مالێ خهلكی كر.
ئاژانسا نێڤدهولهتی یا فرانس پرێس وێنهیێن باژارێ عهفرینێ یێن پشتی داگیركرنا وێ ژ ئالیێ توركیا و هێزێن سهر ب وێ ڤه بهلاڤكرن و تێدا دیاردبیت كو چهكدارێن ب ناڤ سوپایێ ئازاد، دهست ب تالانكرنا باژاری و دزینا كهلوپهلێن خهلكی دكهن و ههر چهكدارهكی كومهكا تشتان ژ مال و دوكانێن خهلكێ عهفرینێ دهرخستینه و ب سهر خوه دا دابهشدكهن.
وێ ئاژانسێ دایه زانین، كو سوپایێ توركیا و چهكدارێن ئۆپزسیۆنێ ژ چ تشتهكی دهربازنهبووینه، ل دهستپێكێ كهڤتینه ناڤا باژاری و ترومبێل و تهراكتور و ماتورسكل، پاشان كهلوپهلێن دناڤا خانییان و دوكانان دا دزینه، نه تنێ ئهڤه، بهلكو وهك د وێنهیان دا دیاردبیت، چهكدارێن توركیا، مریشك و بزن و مهر و مالاتێ خهلكێ عهفرینێ ژی د دزن.
ههروهسا دیمهنێن باژارێ وێرانكری ژی دهردكهفیت كو پشتی هێرشهكا دژوار و بۆمبهبارانێن ئاسمانی، چهكدارێن سهر ب توركیا ڤه دهست ب سۆتن و ههرفاندنا مال و دوكانێن كوردان ژی كرییه.
تُتاح هذه الصورة أيضا في: کوردی