بەشداريا مە ل ھەلبژارتنا و پشتەڤانى ژبۆ ليستا (١٨٤) كوردايەتيا راستەقينەيە
مەهدی حەسەن موراد
گەلێ كورد ل قۆناغەكا سەخت و دژوار دا يێ دەرباس دبت نەخاسمە پشتى رويدانێن (١٦) ى ئەكتوبەرێ وئەڤ خيانەتا نەيارێن كوردايەتيێ و كرێگرتيێن داگيركەرا ئاخ وەلات رادەستى دوژمنا كرين وپێشمەرگەھى بخونا سەرێ خۆ ل پردێ و سحێلا بەرسنگێ داگيركەرا گڕتين و داستانێن بەرخودانێ تۆماركرين ونەھێلاين دوژمن ب مرازا خۆ شادبن ، نھا ژى ئەو دژاتى يە بەردهوامە و ئەو پيلان ھەر يا د مەژيكێ وان دا ،ھەگەر كەسانێن كورد پەروەر و خودان قوربانى خۆ نە دەن بن ڤى بارێ نالەبار ،كا چاوا مللەت بەرنگارى حەشدا شهعبى و لەشكەرێ مالكى وتۆپخانا ئيرانێ و ھێزێن حزباللە بوون و شەرمەزار كرن ، دھێتە خاستن ب ھەمان روحيەت بەرسنگێ ڤان دوژمنێن كوردايەتيێ بگرين و وانەكا دى نيشا ڤان سەڕشۆرا بدەين ب دەنگدانێ ب جۆش و خرۆشەكا زۆر بچين سەر سندۆقێن دەنگدانێ و دەنگێ خۆ بدەين ليستا (١٨٤) ، ليستا سەرخوبوونا كوردستانێ بۆ ژێك ڤاڤارتنا دەنگێن بەرخودانا كوردستانێ و دەنگێن خۆفرۆشا ، دڤيا بزانين مللەت يێ د تاقيكرنەكێ دا و جيھان ھەمى يە چاڤدێرە كا دێ بەرەيێ كوردستانى ل ڤان ھەلبژارتنا سەركەفت يان خۆفرۆشێن عهبادى و كرێگرتيێن ئيرانێ ،ژبەركو دوژمنێ مە يێ شكەستى ژ لايێ لەشكەرى ومۆرالا وان نەمايە و نھا ب ھەر رێكەكا ھەبيت يێ پێكۆلێ دكەن دربەكا دى ل كوردستانێ بدەن بۆ نەمانا ھلگرێن ئالايا كوردستانێ ، دوژمن د پلانا خۆدا يا ئابلوقا ئابوورى و دبلۆماسى و لەشكەرى و گڕتنا فرۆكخانا و برينا مووچە و بوودجەى قوتكرنا دانوستاندنێ وگەفێن رۆژانە بۆ سەر كوردستانێ شكەست و نەشيا خۆ فەرزكەن ل سەر ئيرادا گەلێ مە ھەر چەندە مەبەستەكا خراب ھەبو ،چى بۆ كێمكرنا ھەيبەتا گەلێ كوردستانێ بت يان ژى فشارەك بت بۆ دەست بەردانا ئەنجامێن ريفراندۆمێ و بێژين ئەم عێراقى نە و مە دەولەت نەڤێت ھێدى ل ديف فەرمانا وان بژين ، ئەڤە ژى خەونه بۆ دوژمنا و نەيارێن پارتى وديڤەلانكا ژبەر كو رۆژا پارتى ھاتى دامەزراندن بۆ رزگاركرنا ئاخا كوردستانێ و ئازاديا مرۆڤێ كوردستانى بيە و نەھێلايە مللەتێ كورد بێ ئۆمێد بت ، ئەڤ كەسێن ھلگرێن پەياما دەولەتبوونێ ژى تەنھا پارتى و بارزانيە و دێ درێژەيێ خەبات و قوربانيێ دەين بۆ كوردستانەكا ئازاد ، ل ڤێ قۆناغا بۆرى پارتى ديموكراتى كوردستان باش دزانى بارێ كوردايەتيێ ودەولەتبوونێ چەند يێ قورسە و گرانە و خۆ دا بەرێ و دەست ژ ئارمانجێن خۆ بەر نەدان ، سەرەراى ڤان قوربانيێن بەردهوام چ كوشتن و مالوێرانكرن ئەڤ رێبازا نەھاتە بەردان گەلێ كورد رۆژێن سەخت تر و دژوار تر ديتينە ئەنفال و كيميا باران و كۆچا مەليۆنى وھاتنا داعش گەلێ كوردستانێ ب سەركێشيا پارتى و بارزانى خۆ راگرتيه و ئەم وەسا يێن ھاتين پەروەردەكرن چو جارا بێ ئۆمێد نابين ھەر سەركەفتن بۆ مللەتيە ، لێ تشتێ سەير ھندەك ھەڤركێن مە خۆ فرۆتن و ب رێكا عەرهب و فارسا ڤيان مە ژ ناڤ ببەن لێ ئيرادا گەلێ كوردستانێ مەزنتر بو ژ پيلانێن وان نھا ژى ل ڤێ پرۆسا سياسى ململانێ دگەل ليستا ١٨٤ يێ دكەن ليستا شەھيد و پێشمەرگەھێ شەرەف و كەرامەتا گەلێ كوردستانێ پاراستى ليستا سەرۆك بارزانيە ، د ھەمى قۆناغێن بۆرى دا ھەر شكەستن پارا وان بيە و نھا ژى ل ڤێ پرۆسا ھەلبژارتنێن نوينەرێن پەرلەمانێ عيراقێ مە باوەريەكا مەزن ھەيە دێ گەلێ كوردستانێ باوهريەكا مەزن دەتە بەربژێرێن ليستا ١٨٤ ديسا ھەڤركێن پارتى دێ ريسوا و شەرمەزاربن د چاڤێ گەلێ كوردستانێ دا و ديرۆك ھەتا دنيا ھەيە دێ وان ڕيسوا و شەرمەزار كەت بەرامبەر ڤێ خيانەتێ وبەرسنگگرتنا بزاڤا ئازاديخوازا گەلێ كوردستانێ ، لەوا ژ كورد پەروەر و مێرخاس و چەلەنگێن كوردستانێ يە دھێتە خاستن بەشدارى ھەلبژارتنا ببن و دەنگێ خۆ بدەن ليستا ريفراندۆمێ ليستا پێشمەرگەھێ سۆڕ و كەرامەتا داعشێ شكاندى ليستا داستانا پردێ و سحێلا تۆماركرى ، دەليڤەك زێرين بۆ كوردستانيا ھاتيە وانەيەكێ بدەين نەيارێن دەولەتبوونا كوردستانێ ب رێژەكا زۆر بێژن بەلێ بەلێ بەلێ بۆ ليستا ١٨٤ ليستا بەرى نھا مەھەميا گۆتى بەلێ بۆ ريفراندۆمێ و سەرخۆبوونا كوردستانێ ،دڵنيابن جەماوەرێ خۆراگرێ كوردستانێ مريدێن رێبازا پارتى و بارزانى ئەم يێن مە گۆتى بهلێ بۆ ريفراندۆمێ دێ درێژيێ ب خزمەت و خەباتا گەلێ كوردستانێ دەين ودێ بەردەوامبين ل سەر خەباتا خۆ وناھێلين خوينا شەھيدا ب ھەدر بچت ئەڤە رێبازا مە يە ھيڤى و مرازێن مە دەولەتبوونا كوردستانێ يە وھەر ليستەك و كانديدەكى بچته بەغدا بۆ دەولەتا كوردستانێ دێ مللەت ژى بێژتێ مە توو د ڤێ ، ھەگەر كانديدێ مە ل بەغدا بۆ غولامەتيا عەرهبا و رێكخۆشكەر بيت بۆ داگيركرنا ئاخا كوردستانێ و تەپەسەركرنا مرۆڤێ كورد ماددێ چنە جى و دێ بۆچى دەنگى دەينێ لەواژ مە ھەميا دھێتە خاستن د ھشيار و زانا بين مللەتێ خۆ ھشيار كەين ئەڤ ھەلبژارتن بۆ گەلێ مە و دۆزا كوردى زۆر گرنگن فەرە ليستا كوردستانى ليستا پارتى و بارزانى ب سەركەفت بۆ داكۆكى كرنا مافێ گەلێ كوردستانێ و سەربەرزيا مە ھەميا.
تُتاح هذه الصورة أيضا في: کوردی