دراڤێ جۆتیارێن هەرێمێ دێ ئێته دابەشكرن
SNN:
سبەینێ پارەی بەشێك لەو جوتیارانە دابەشدەكرێت، كە گەنمیان رادەستی سایلۆی مەخمور كردووە، بەرپرسێكی وەزارەتی بازرگانی و پیشەسازی هەرێمیش رایدەگەیەنێت: پارەی ئەو جوتیارانە لە بانكێكی شاری كەركوك دابەشدەكرێت.
نەوزاد ئەدەهەم، بەرێوەبەری گشتی بازرگانی لەوەزارەتی بازرگانی و پیشەسازی هەرێم، بە SNNی راگەیاند:” دوای گەیشتنی 25 ملیار و 600 ملیۆن دینار، بڕیارە سبەی 15ی 5ی 2018، وەجبەیەكی تری پارەی جوتیارانی هەرێمی كوردستان كە گەنمەكەیان رادەستی سایلۆی مەخمور كردووە، دابەش بكرێت “.
وتیشی: جوتیاران پێویستە بچنە بانكی نور لە پارێزگای كەركوك پارەكانیان وەربگرن و بڕی پارەكەش بەشێكە لە موستەحەقاتی جوتیاران بۆ ساڵی 2017.
ئەوەشی خستەڕوو، تا ئێستا دابەشكردنی پارەی جوتیاران بۆساڵی 2017 بەكۆتا نەهاتوە.
تُتاح هذه الصورة أيضا في: کوردی