كۆمبوونا پهرلهمانى دهربارهی موچهى ب داوى هات
SNN:
لیژنەی یاسایی و دارایی لە پەرلەمانی كوردستان راپۆرتی كۆتاییان لەسەر پرۆژە یاسای چاكسازی تەواودەكەن و پەرلەمانتارێكی یەكێتیش دەڵێت”فەرمانبەران دڵنیادەكەینەوە پەرلەمان دەرماڵەی هیچ كەس نابڕێت” و بەگوێرەی راپۆرتەكەش بڕیاردراوە هیچ خانەنشینیەكی مەدەنی لە 400هەزاردینار كەمتر وەرنەگرێت.
شێركۆ جەودەت لەكۆنگرەیەكی رۆژنامەوانیدا رایگەیاند: لەدووبارە ئامادەكردنەوەی راپۆرتی پرۆژەكەدا كۆمەڵێك گۆڕانكاری كراوە لەوانە بڕیاردراوە دەستبەجێ لەگەڵ جێبەجێكردنی یاساكەدا پاشەكەوت هەڵبگیرێت و نەمێنێت و بڕیاریشدراوە هیچ خانەنشینیەكی مەدەنی لە 400هەزاردینار كەمتر وەرنەگرێت.
هیچ دەرماڵەیەك نابڕدرێت
لەلایەن خۆیەوە، رێواس فایەق ئەندامی لیژنەی یاسایی رایگەیاند:دووبابەت زۆرگرنگ بوو، ئەمڕۆ پەسەندكران ئەوانیش ئەوەیە پاشەكەوتی موچەی فەرمانبەران بكرێتە ئەژماری بانكی و بەمپێیەش فەرمانبەران دڵنیادەبن پاشەكەوتیان نافەوتێت، خاڵی دووەم فەرمانبەران دڵنیادەكەینەوە پەرلەمان دەرماڵەی هیچ كەس نابڕێت و رێكخستنەوەی دەرماڵەكان دەدرێتەوە دەست حكومەت.
گۆڕان لەگەڵ خانەنشینی پلە باڵاكان نەبووین
هاوكات، عەلی حمەساڵح پەرلەمانتاری گۆڕان دەڵێت: ئەم بڕگانەی دەستكاریكراوە پشتیوانی هەموویان دەكەین، بەڵام لەگەڵ خانەنشینی پلە باڵاكان نەبووین، ئێمە لەگەڵ ئەوەبووین خانەشینی پلەباڵاكان هاوشێوەی عیراق بێت.
موچەی پلە باڵاكان كەمكراوەتەوە
جێگری سەرۆكی لیژنەی دارایی و ئابوری پەرلەمان راشیگەیاند: ڕێژەیەكی بەرچاو لەموچەو ئیمتیازاتی پلە باڵاكان كەمكراوەتەوەو ئەمەش هەنگاوێكی باشە بۆچارەسەركردنی خانەنشینی مەدەنی و كردنی موچەكانیان بە 400هەزار دینار، بەڵام ئەمە بڕیاری كۆتایی نییەو دەبێت لەناوهۆڵی پەرلەمان یەكلایی بكرێتەوە.
تُتاح هذه الصورة أيضا في: کوردی