دادگەها فیدرال دێ پێنجشەمبێ ل دۆر سکالایێن پارتی و مەعسوومی کۆم بیت
WAAR-دهۆك:
بریاره دوماهیا ڤێ ههفتیێ دادگهها فیدرال یا ئیراقێ ل سەر سکالایا پارتی و یا فوئاد مەعسوومی كۆم ببیت و ب دهست ههژمارتنا دهنگان ئێكلا بكهت.
پهیامنێری وار ل بهغدا راگههاند: رۆژا پێنجشهمبێ دێ دادگهها فیدرال یا ئیراقێ كۆم بیت و سکالایێن پارتیا دیمۆکرات یا کوردستانێ سەبارەت بریارا پەرلەمانی یا هەلوەشاندنا دەنگێن تایبەت یێن هەرێما کوردستانێ، هەروەسا سکالایا فوئاد مەعسووم، سەرۆککۆمارێ ئیراقێ سەبارەت بابهتێ بدهست ههژمارتنا دهنگان گۆتوبێژ کەت.
گۆت ژی: ژیێ ڤێ خولا پهڕلهمانی تا سیهی ڤێ مههێ مایه و دادگهها فیدرال دێ بریارا دوماهیێ دهت، كا پهرلهمانتارێن نوو بهێنه پهسهندكرن، یان دهنگ دووباره بهێنه ڤاڤارتن و ژیێ حكومهتا ئیراقێ بهێته درێژكرن.
ل سهر داخوازا سهرۆكاتییا پهڕلهمانی و ئالیێن ژ ئهنجامێن ههلبژارتنان نه رازی، پهڕلهمانێ ئیراقێ د سێ روونشتنێن نهئاسایی دا، بریارا بدهست ههژمارتنا دهنگان ل سهرانسهری ئیراقێ و ههلوهشاندنا ئهنجامێن دهنگدانا تایبهت یا ههرێما كوردستانێ دهرخستبوو.
تُتاح هذه الصورة أيضا في: کوردی