ههلبژارتنێن سهرۆك كۆمار و پهرلهمانێ توركيا سوبههى نه
ئهڤرۆ نيوز:
ھەلبژارتنێن سەرۆک کۆماری و پەرلەمانێ تورکیا سوبەهى رۆژا ئێکشەمبی 24ێ خزیرانێ دێ ھێنە کرن و پێنج کەس دێ ھەڤڕکییا ئەردۆگانی ل سەر پۆستێ سەرۆک کۆماریێ کەن.
دەستەیا بلندا ھەلبژارتنێن تورکیا راگەھاند؛ 56 ملیۆن و 322 ھزار کەس سوبەهى دێ پشکداریێ د ھەلبژارتنان دا کەن.
د ھەلبژارتنێن تورکیا دا سوبە شهش کەس دێ ھەڤڕکیێ ل سەر پۆستێ سەرۆک کۆماری کەن، یێن ژ ھەموویان دیارتر ژی رەجەب تەیب ئەردۆگان، سەرۆک کۆمارێ نھا یە، چەندین پارتی و ئالییێن سیاسی ژی دێ ھەڤڕکییا ئاکەپێ بۆ ب دەستڤەئینانا کورسییێن پەرلەمانی کەن.
ب گۆرەی دووماهی راپرسییان، ئاکەپە یا دەستھەلاتدار دێ پرانییا خوە د پەرلەمانی دا ژ دەست دەت و ئەردۆگان دێ دەربازی قووناغا دويێ یا ھەلبژارتنان بیت.
تُتاح هذه الصورة أيضا في: کوردی