نڤیسینگەها لالش مەهەتێ سمینارەك لدۆر چیرۆكا رزگاربوویەكا ئێزدی گێرا
تۆرا لالش يا راگههاندنێ
ل كۆمەلگەها مەهەتێ سمینارەك لسەر پەرتۆكا(لەیلا و شەڤێن ب ئازار) چیرۆكا كچەكا رزگاربوویا ئێزدی یە،بۆ نڤیسكار “مەحەمەد گڤاری” ژلایێ نڤیسینگەها لالش ڤە هاتە گێران.
ل رێككەفتی(1/7/2018)ێ ل هۆلا لالش ب ئامادەبوونا ئەندامێن نڤیسینگەها لالش مەهەتێ و بەرپرسێن رێكخراوێن شەهید مەحمود ئێزدی و بارزان و چەندین كادرێن لقا(20)یا پارتی ل شێخان و ماقول و زانا و ریهسپی و رەوشەنبیرێن كۆمەلگەهێ،نڤیسینگەها لالش سمینارەك لسەر پەرتۆكا(لەیلا و شەڤێن ب ئازار) بۆ نڤیسكار مەحەمەد گڤاری گێرا،تێدا بەحس لسەر هاتی و ناڤەرۆكا پەرتۆكێ ب درێژاهی كر و ئەو شەڤێن نەخۆش لەیلایێ ژ دەستێ داعش دیتین و ئێش و ئازار و چیرۆكا وێ بۆ ئامادەبوویان دانە دیاركرن.
ژبال خۆڤە ئامادەبوویان دەست خۆشی ل نڤیسكاری كرن بۆ وەرگێرانا پەرتۆكێ ژ زمانێ ئەرەبی بۆ زمانێ كوردی،لدوڤ دا دەرگەهێ گەنگەشێ هاتە ڤەكرن و چەندین دانوستاندن و پرسیار ب تێر و تەسەلی هاتنە كرن وبەرسڤدان.
تُتاح هذه الصورة أيضا في: کوردی