ئاوارێن ئێزدى لسهر چیایێ شنگال ژیانهكا زهحمهت رێڤهدبهن
باسنيوز:
ئاوارهكێ ئێزدى ل چیای شنگال (كهمپا زهردهشت) دیار كر رهوشا ئاوارێن شنگال ل چیای شنگال زۆر یا زهحمهتە، ژبهر خێڤهتیێن وان بى سهروبهر بووینه، ئهڤه چهند سال ب سهر خێڤهتان ڤه چوون سهرمایى و گهرمى كارتیكرن ل خێڤهتان كریه و لاڤاوێن ڤێ دووماهیى ژى زۆر زیان گههاندنه خێڤهتیێن ئاوارێن چیایێ شنگال و زیان گههشتیه خهلكێ ئاواره ل چیایى شنگال.
بهرهكات ئیبراهیم ئاوارهكێ ئێزدىیه ل چیایى شنگال (كهمپا زهردهشت) بۆ (باسنیوز) دیار كر “خزمهتگوزارى دلاوازن وهكو ئاڤ و كارهب، نوكه ئاڤ ب تهنكهران ل سهر خهلكێ دهێته بهلاڤكرن و كارهب ژى نێنه، هندهك موهلێدین كارهبى هاتبوونه دانان بۆ ئاوارێن چیایى شنگال لێ پشتى پێشمهرگه ل شنگال نهمای، نوكه خهلك پاره كۆم دكهن بخوه گازوائیلى دكرن بیگومان ئهڤه ژى بارگرانیا ل سهر ژیانا ئاواران”.
خۆیاژى كر “عهرهب یێن ڤهگهریاینه دهڤهرا بهعاج ئهو گۆند و دهڤهرێن ئێزدى یێن نێزیك بهعاج نهڤرینه سهر مالێن خوه یه گهلهك جاران عهرهب ب رێیا ئاژهلى خوه نێزیكى گۆمهلگه و گوندێن ئێزدیان دكهن ئهڤه ژى ترسهكێ بۆ ئێزدیان دروست دكهت راستى ژى دهمێ ئێزدى كهسهكێ عهرهب دبینت كارتیكرنهكا راستهخۆ ل كهسى ئێزدى دهێته كرن دبێژت ئهو كهسى دهستدرێژى ل سهر نامۆسا مه كرى ئهم نهشین بزڤرین دگهل وان بژین هندهك خێزانیێن عهرهبان یێن ڤهگهریاینه دهڤهرا شنگال وئێزدیان باوهرى ب جیرانیا عهرهبان نێنه بتایبهتى ژى ئهو عهرهبێن دههستدرێژكریه سهر نامۆسا خهلكێ مه”.
ئاشكرا كر “ل بهر چاڤیێن ئێزدیان عهرهب رهش بووینه وجارهكا دێ یا زهحمهت ئێزدیان باوهرى ب جیرانی و دوستانیا عهرهبان ههبیت ل سهر چیایى شنگالێ ژى ئێزدى ژیانهكا زهحمهت رێڤهدبهن پتریا وان ژى خهلكێ كوچو و تل عزیر و سیبا شیخدرى خهلكى قوبیلهتى چیایێ شنگالێ نه هیشتا دهڤهرێن وان ژى نههاتینه پاقژكرن ژ مین وتهقهمهنیێن تیرۆرستێن داعش و گهلهك خانیێن خهلكێ هاتینه پهقاندن وكیماسیى ئالیى ئاڤى و كارهبى و خزمهتگوزاریاندا ههنه خهلك نهشین ڤهگهرن”.
وێ ئاوارێ ئێزدى ل چیایى شنگال گۆت “ژیانا خهلكێ شنگال پشتى كارهساتا 3/8/2014ى ل چیایى شنگال گهلهك كهس یێن بووینه ئاسایشا ئیزدخانى وخهلك چاندنێ ل دهڤهرا سنۆنێ دكهت ژیانا خوه پێ رێڤهدبهن”.
دیاركر “رهوشا تهندروستى ژى نهخۆشخانا دڤهكرینه لێ چارهسهرى یا زهحمهت بتنى نهخۆشخانا دڤهكرینه وئامیرێن نوشدارى یێن پێوهیست نهگههشتنیه وان نهخۆشخانا ل دهڤهرى بۆ خزمهتكرنا ئاوارێن چیایى شنگال و خهلكێ ڤهگهریایه سنۆنێ و خانهسۆرى ودهڤهرێن دى ژى لێ زارۆكبوون یا زهحمهت گهلهك ژ دایكیێن مه ل سهر جادى تووشى زارۆكبوونى بووینه راستى ژیانهكا زهحمهت ل دهڤهرێ”.
وهیسى نایف سهرۆكێ جڤاتا قهزا شنگال بۆ(باسنیوز) دیار كر “ژبهر نهبوونا سهلامهتى ل قهزا شنگال 330 هزار كهس نهشین زڤرنه سهر مالێن خوه بۆ وان ژیان كهمپین ئاواران گهلهك خوشتره ژ زڤرینا سهر مالێن خوه چونكو تهناهیى وخزمهتگوزارى نینن وهیشتا ئێدارا شهرعیى یا شنگال یا ب دهنگین خهلكى شنگال هاتیه ههلبژارتن نه زڤرینه شنگال ههر دهمێ ئیدارا نه شهرعی یا شنگال هاته ههلوهشاندن دێ وێ دهمێ ئیدارا شهرعیى یا شنگال زڤرت”.
ئاشكهرا كر “پتریا ئاوارین شنگال دخازن ل كهمپێن ئاواراندا بمینن و نازڤرنه ناوچهیێن خوه چونكو دهڤهرێن ئاواره دبێ خزمهتگوزارێ نه وهیشتا مهترسیێ ل سهر ژیانا خهلكێ ههیه ژبهر بۆمبه ومینه یێن هاتینه دانان ژلایێ تیرۆرستێن داعش ڤه ههتا نوكه رێژهكا زۆر خانیێن وهلاتیان ل قوبلهتى شنگال نههاتینه پاقژكرن”.
تُتاح هذه الصورة أيضا في: کوردی