وەزارەتا خواندنا بلند رێنمایی دەربارەی کاندیدێن ماستەر و دکتۆرایێ دان
WAAR-دهۆك:
وەزارەتا خواندنا بلند و ڤەکۆلینێن زانستی ژمارەکا رێنماییان دەربارەی خواندنا بلند بەلاڤ کرن و رێنما دەربارەی کاندیدێن ماستەر و دکتۆرایێ نە.
وەزارەتا خواندنا بلند و ڤەکۆلینێن زانستی ئەڤرۆ رێنمایێن نوو دەربارەی پاراستنا ئاستێ زمانێ ئنگلیزی د خواندنا بلند دا، بەلاڤ کرن و د رێنماییان دا هاتییە؛ کاندیدێن ماستەر و دکتۆرایێ یێن تا نها پلەیا پێدڤی یا زمانێ ئنگلیزی د تێستێن ئایلێتس، تۆفل و پیرسۆن ئەکادێمیک دا بدەستڤە نەئیناین، دشێن ب رێیا رێکخستییا ئەیم دێست پشکداری کۆرسێن زمانی بن و د دەمێ سالەکێ دا پلەیا پێدڤی بۆ خواندنا ماستەر و دکتۆرایێ ب دەستڤە بینن.
وەزارەتێ د رێنماییان دا ئاشکرا ژی کرییە؛ هەر کەسێ پشکدارێ کۆرسێن زمانی ببیت و کەسێن پشکدار نەبن ژی، گەر تا سالەکا دی پلەیا پێدڤی بۆ خواندنا ماستەر و دکتۆرایێ بدەستڤە نەئینن، دێ کاندیدبوونا وان هێتە هەلوەشاندن.
تُتاح هذه الصورة أيضا في: کوردی