جوداهی دناڤبەرا دەستهەلاتدار و زەنگینێن رۆژهەلاتا ناڤین و یێن بیانی
دلۆڤان ئەمجەد بارزانی
ئەز دێ ل دەستپێكێ باسێ دەستهەلاتدار و زەنگین و پلەدارێن رۆژهەلاتا ناڤین ب گشتی و عێراقێ و هەرێمێ ب تایبەتی كەم،ئەگەر مە گۆت زەنگین یان دەستهەلاتدار یان پلەدار و بالادەست یان گەلەكێن دی یێن وەسا رامانا وێ ئەوە كو مال و سامان و دراڤەكی بێ هەژماری هەی و یێت دەستێن واندا،بەس كا دا تەماشای وان بكەین كا ڤی مال و دارایی چاوا بكاردئینن و دمەزێخن..ئەرێ ئەڤێن زەنگین چاوا دراڤێ خۆ بكاردئینن ..؟، ب زۆر گرنگیێ ب چ ددەن ..؟،ئەڤ دەستهەلاتدار و زەنگیننە زۆرتر ل پێ چی ڤەنە..؟،دێ ب رەنگەكی تێكەل و كورت بەرسڤا ڤان پسیارا دەم:ئەگەر ئەم هزر دڤان زەنگین و دەستهەلاتدار و ئەڤێن خودان داراییەكی زۆر دا بكەین دێ بۆ مە دیار بت كوب رێژەیا(95%) ژ سەدێ گرنگیێ ددەنە سێ تشتان ئەو ژی:1_ مالەكا جوان و سەرەنج راكێش،2_كچكێن جوان و نازك،3_تمبێلێن ب بەها گران و خوارنێ،ئەگەر ئەم بچینە سەر راستیێ ئەڤ هەرسێ تشتە نە دوی ئاستی دانە كو هند گرنگی پێ بێتە دان،نابێژم باش نینە و چنینە نە دڤێت هەبن،لێ بەلێ تشتێ ل ڤان گرنگتر و ب بەهاتر هەی دەستهەلاتدار و زەنگینێن رۆژهەلاتا ناڤین ب گشتی و هەرێما كوردستانێ ب تایبەتی كو هەموو مال و سامانێ خۆ تێدا ب مەزێخین و بكاربینین،ئەگەر هات و ڤان دەولەتێن جیرانێن هەرێما كوردستانێ دەرگەهێن سنووریێن خۆ لسەر هەرێمێ گرتن و نەهێلا چ تشتەك بێتە دناڤ هەرێمێ دا، پاشی دێ چ روودەت ئەڤ سێ تشتە دێ چ كن دێ چ گرنگیا خۆ هەبت ……. هیچ!،لەوما من دڤێت بێژم یاباش ئەوە ئەڤ دەستهەلاتدار و زەنگین و پلەدارێن حكومەتێ وی مال و سامانی و دارایێ خۆ د ڤەكرنا كۆمپانیێن وەبەرهێنانێ و چاندنا بەرووبوومێ گشتوكالی و ڤەكرنا كارگەه و كومپانیێت وەسا كو هەموو پێتڤیێن مللەتێ مە پێ بێنە دابینكرن،دا چاڤێن كەسی ل بەرووبوم و ئالاڤ و داهێنانێن دەولەتێن جیران و بیانی نەبت هەموو تشت لێ بێنە دروستكرن (made in kurdistan)بن و بێ منەتی دەولەتێن دی ، هەروەسا ئەگەر هاتوو دەرگەهێن سنووری ژی لسەر مە هاتنەگرتن دووی دەمی دا دێ تشتەكی ئاسایی بت و كارتێكرنێ ل وەلاتی ناكت و چ ژێ كێم نابت،لەوما یا فەرە گرنگیەكا باش ب هەموو ڤان كارگەه و كۆمپانی و پرۆژا بێتە دان،ئەڤە گەلەكا باشە بۆ هەرێمێ ب تایبەتی و عێراقێ ب گشتی،چنكو دێ بتە ئەگەرێ نەهێلان یان كێمبوونا قەیرانا ئابووری لسەر هەرێما كوردستانێ،ئەگەر بێمە سەر زەنگین و دەستهەلاتدارێن دەولەتێن بیانی ئەو بەروڤاژی زەنگین و دەستهەلاتدارێن رۆژهەلاتا ناڤین،ئەڤ دەولەتێن بیانی ئەگەر ئەم تەماشا بكەین یادیار و پێش چاڤە كو هەموو بەرهەم و داهێنانێن وان هەریێن وەلاتێ وان بخۆنە ئەو بخۆ هەموو تشتێ پێتڤی چێدكن و هەروەسا فرێدكەنە دەولەتێن دی ژی،زەنگین و دەستهەلاتدارێن وان هەموو مال و سامان و دراڤی د ڤەكرنا كارگەهێن جۆراو جۆر و كۆمپانیا و چاندنا بەرووبومی و گەلەك تشتێ دی دا دمەزێخن،هەتا وی رادەی كو یێ هندەك داهێنانان دكن د هزرا مەژی دا نینە و ئەم پێ سەرسام دبین،هەروەسا چ قەیران ژی نكارن كارتێكرنێ ل وەلاتێ وان بكن و خەلكێ وان زۆر ب باشی دژین سەرەرای هندێ ژی كو رێژا ئاكنجیێن وان دەه جارا ژی بتری دەولەتێن رۆژهەلاتا ناڤینن،ئەڤە ژی وێ چەندێ بۆ مە دیار دكت كو ئەڤ دەولەتە دسیستەمێ برێڤەبرنێ دا گەلەك زیرەك و زانا و شاهرەزانە و سامان و داراییێ خۆ د تشتێ بێ مفادا نامەزێخن،هیڤیدارم ئەڤ زەنگین و حكومەت و دەستهەلاتدارێن رۆژهەلاتا ناڤین ب گشتی و هەرێما كوردستانێ ب تایبەتی چاڤ ل ڤان دەولەتێن پێشكەفتی بكن دا بكارن ڤان ئاریشا چارەسەر بكەین و نەهێلین،ئاریشا هەرێما كوردستانێ ئەوە نزانن ڤی دارایی بكاربینن،چنكو ژلایێ دارایی ڤە ئەم ژ هەموویا زەنگینترین بەس نەزانین د سیستەمێ بكارئینانێ دا ئەمین بەرەف قەیرانێ برین،ئەگەر نە ئەم یێت دناڤ خەزینێ زێرێ رەش دا ، ئاخا عێراقێ هەموو گازە چەندەها بیرو و شەریكێن گازێ یێن هەین ل عێراقێ،ئەرێ ئەو داهاتە هەموو كووڤە دچت و چلێ دئێت،ئەز دێ پسیارەكێ ژ هەوە كەم خووندەڤانێن هێژا هوون بەرسڤێ بدەن:ئەرێ بۆچی خەلكێ كوردستانێ دناڤ گازێ دایە و یێ بێ گازە ژی؟.
تُتاح هذه الصورة أيضا في: کوردی