سەرۆک بارزانی ل دۆر رەوشا عیراقێ پەیامەکێ بەلاڤ دکت
ئەڤرۆ نیوز:
سەرۆک مەسعود بارزانی ل دۆر رەوشا نها یا عیراقێ راگەهاند کو ب گرنگیێ ڤە پێداچوونا رەوشا ڤێ دووماهیێ ل عیراقێ دکەین و پێشوازیێ ل هەر پێنگاڤەکێ ژی دکەین کو خزمەتا چارەسەریا رەوشا نها بیت، دڤێت نەهێلین رەوش گەلەک ئالۆز ببیت و رێ بۆ دکتاتوریەتێ ل عیراقێ خوەش بکەت.
سەرۆک بارزانی ئاماژە ب هندێ ژی دکەت کو دڤێت هەر گوهۆرینەکا ل عیراقێ مافێن هەموو پێکهاتان ل بەر چاڤ بگریت و ل گۆر ئالیەتێن دستووری بیت و ئارمانج ژی چەسپاندنا دستووری و بجهئینانا ئارامیێ بۆ هەموو عیراقێ بیت.
د دووماهیا پەیاما خوە دا سەرۆک بارزانی دبێژیت: هەموو رەنگێن توندوتیژیێ ل دژی خوەنیشادەران رەت دکەین و سەرساخیێ بۆ مالباتێن شەهیدان دخوازین و هێڤیا باشبوونێ بۆ برینداران دخوازین.
تُتاح هذه الصورة أيضا في: کوردی