سێ شهمبێ دێ پهڕلهمانێ كوردستانێ كۆمبیت
گاڤ نیوز
سهرۆكا پهڕلهمانێ كوردستانێ داخواز ژ ههمى پهڕلهمانتاران كر سێ شهمبێ دهمژمێر 11 ل هۆلا پهڕلهمانێ كوردستانی ئاماده بن بۆ كۆمبوونا پهڕلهمانى.
د. رێواز فایق، سهرۆكا پهڕلهمانێ كوردستانێ داخواز ژ ههمى پهڕلهمانتاران كر بۆ روونشتنا ژماره چار یا كۆمبوونا ئاسایى یا خۆلا پایزێ ل رۆژا سێ شهمبێ ئاماده بن و تهوهرێ ئێكێ یێ كۆمبوونێ ژى خواندنا ئێكێ بۆ پڕۆژهقانوونا سهرپهرشتیكرنا پڕۆژهیێن چاندنێ ل ههرێما كوردستانێ یه، ههروهسا د تهوهرێ دویێ ژى دا دهست ژ كاركێشانا پهڕلهمانتارهكى ژ لژنهیا دهست پاكیێ هێته بهحسكرن.
ههر د ئهجێندایا كۆمبوونا پهڕلهمانى دا هاتیه، تهوهرێ سیێ یێ كۆمبوونێ دو پرس دێ هێنه دیاركرن كو ئێك ژ وان دیفچوونا كارێن پێدڤى بۆ سێ یهكهمێن ئێكێ یه و پرسا دى ژى ل دۆر مامۆستایێن وانهبێژه كو دێ ئالیێن پهیوهندیدار ژ ئالیێ لژنهیا پهڕوهرده و خواندنا بلند و لێكۆلینێن زانستى ڤه لێ ئاماده بن.
تهوهرێ چارێ یێ كۆمبوونێ خواندنا دووێ یه بۆ پڕۆژهقانوونێن راستڤهكرنا پیادهكرنا قانوونا بازرگانى ل ئیراقێ و ههروهسا پڕۆژهقانوونا بهرههمئینان و هاوردهكرنا بنهتو و نهمامان و تۆماركرن و پهسهندكرن و پارێزگاریكرن ل تهرزێن چاندنێ ل ههرێما كوردستانێ.
تُتاح هذه الصورة أيضا في: کوردی