وهزارهتا دهرڤه یا ئهمریكا : ژ هێرشێن ئیران و توركیا بۆ سهر ههرێما كوردستانێ د دلگرانین
خانى نيوز:
جێگرێ هاریكارێ وهزیرێ دهرڤه یێ ئهمریكا دلگرانییا وهلاتێ خوه ژ هێرش و ئوپهراسیونێن ئیران و توركیا بۆ سهر ههرێما كوردستانێ راگههاند.
جێنێفهر گاڤیتۆ جێگرێ هاریكارێ وهزیرێ دهرڤه یێ ئهمریكا راگههاند، هێرشێن ئیرانێ بۆ سهر ههرێما كوردستانێ جهێ دلگرانییێ نه و گوت : بكارئینانا درۆن و مووشهكێن بالستى ژلایێ ئێرانێڤه زیانێن گیانى ههبوون.
ل دۆر هێرشێن ئیرانێ بۆ سهر ههرێما كوردستانێ جێگرێ هاریكارێ وهزیرێ دهرڤه یێ ئهمریكا بهحس ل وێ چهندێ كر، ئیران گهفێن هێرشێن زێدهتر دكهت بۆ هندێ سهرنجا جیهانێ ل سهر ئهوان رهفتارێن درندانه یێن بدژى خهلكێ خوه دكهت بدهته لایهكى.
سهبارهت ئوپهراسیونێن توركیا ل ههرێما كوردستانێ جێگرێ هاریكارێ وهزیرێ دهرڤه یێ ئهمریكا ئاماژه ب هندێ كر، ئهوان دلگرانییا خوه ل دۆر ئوپهراسیۆنێن توركیا بۆ سهر ههرێما كوردستانێ دهربرییه، و داخواز ژ حكومهتا توركیا كرییه د ئوپهراسیونێن خوهدا ههماههنگییهكا زێدهتر دگهل حكومهتا عیراقێ بكهت.
تُتاح هذه الصورة أيضا في: کوردی