ڕۆژا جیهانى یا ئافرەتان ل كۆمهلگهها شاريا هاتە ساخکرن
تۆڕا لالش:
ل ژێر درۆشمێ (ئافرەت هێز و سەرکردەیە)،بنگەهێ لالش تایێ شاریا ڕۆژا جیهانى یا ئافرەتان ب چهند چالاكى و برگهيێن ههمهجۆر ساخكر.
ل ڕۆژا پێنج شهمبوويێ 7ى ئادارا 2024ێ،بنگەهێ لالش تایێ شاریا ب هەڤکاری دگەل ڕێکخراوا داک و ڕێکخراوا ئیمە و رێکخراوا (Free to run) و رێکخراوا نوپێل ڕابوون ب ساخکرنا ڕۆژا جیهانى یا ئافرەتان،ل دەستپێکێ سمینارەك هاتە پێشکێشکرن ل دۆر سەرکەفتنا ئافرەتێ د جڤاکی دا ب پشتەڤانیا زەلامی ژ لایێ پارێزەر “سوزان خودێدا” ڤه،دپەنەلێ دووێ دا پەیڤەک ژ لایێ “هەلز هارون” بەرپرسا سەنتەرێ داک هاتە پێشکێشکرن،دگەل پێشاندانا کورتە ڤیدیۆیەکێ لدۆر ڕۆژا جیهانى یا ئافرەتان کو ژ لایێ رێکخراوا داک ڤە هاتبوو بهرههڤكرن.
ههروهسا پەنەلێ سێیێ “شرین نجیم” بەرپرسا ڕێکخراوا فری تو رەن پهيڤهك پێشكێشكر لدۆر گرنگیا رۆژا جیهانى یا ئافرەتان،پاشان کورتە ڤیدیۆیەک لدۆر کار و چالاکێن رێکخراوێ پيشاندان.
پەنەلێ چارێ چەندین گولێن سۆر یێن سروشتی بڤێ هەلکەفتێ ب سەر ئافرەتێن ئامادەبووی دا هاتنه بهلاڤكرن.
ههر ديسان پەنەلێ پێنچێ و داويێ چەندین کارێن دەستی کو ژ لایێ ئافرەتێن دەست رەنگین ڤە هاتبوون چێکرن،دگهل چەند جۆرێن خوارنێ و شریناهیا هاتبوونە ئامادەکرن ژلایێ ئافرەتان ڤە هاتنه پيشاندان.
تُتاح هذه الصورة أيضا في: کوردی