تۆرا لالش
ل رۆژا سێ شەمبی رێكهفتی 4/2/2025ێ، نڤیسینگهها لالش یا تهلبهناتا كهڤن رابوو ب سازكرنا چالاكیێن وەرزشی و دەم بوراندنێ بۆ کۆمەکا زاروکێن بێ باب و قورتالبوویێن ژێر دەستێ داعش ل کومەلگەها تەل بەناتێ و گوندێ تەل بەناتێ.
چالاكی د هۆلا ڤالا یا دۆستانە بۆ گەشەپێدان و كهیف خوهشیێ ل شنگالێ ب سەرپەرشتیا کاپتن (فاخر حەسەن عەلی) ئێک ژ ئەندامێن نڤیسینگهها لالش ب رێڤەچوون.
ئارمانجا ڤان چالاكیان دانانا کەنیێ یە ل سەر روویێ وان و فێرکرنا هندەک چالاكیان وەکی وێنەکێشان و موزیک و چالاكیێن وەرزشی.
د داویا چالاكیێ دا، هەموو زارۆکێن پشكدار هاتنە خهلاتكرن ب دیاریێن ب نرخ کو هەژی بەشداربوونا وان بوون د ڤی بەرنامەیا مروڤایەتی دا.
تُتاح هذه الصورة أيضا في: کوردی