تۆرا لالـش
ئیرۆ پێنجشەموویێ، ڕێکەفتی ٢ی نیسانا ٢٠٢٦ێ، رێزدار مناف حهسهن بەرپرسێ پەیوەندیێن لقا ١٤ یا پارتی دیموکراتی کوردستان ، سەرەدانا بنگەهێ لالش یێ ڕەوشەنبیری و کۆمەلایەتی ل دهۆكێ كر.
ناڤهاتی ژ ئالیێ ڕێزدار سەعید جردۆ، سەرۆکێ بنگەهێ لالش و هەژمارەکا ئەندامێن دەستەکا بلند و بەرپرسێن تای و نڤیسینگەهێن بنگەهی ب گەرمی هاتە پێشوازیکرن.
د سهرهدانێ دا، هەردوو ئالیان ب هوورکاری بەحسێ ڕەوشا گشتی یا دەڤەرێ و بارودۆخێ ئێزدیان ب تایبەتی کر.
د تەوەرەکێ دی یێ دانوستاندنێ دا، تهكهزی ل سەر گرنگیا هەماهەنگیێ د ناڤبەرا ههڤدوو دا كرن ژ پێخەمەت پێشکێشکرنا خزمەتێن پتر بۆ پێکهاتەیێن دەڤەرێ و پاراستنا سەقامگیریێ، ب تایبەت ل دەڤەرێن کوردستانیێن دەرڤەی ئیدارەیا هەرێمێ.
ژ لایەکێ دی ڤە، بەرپرسێ پەیوەندیێن لقا ١٤ دەستخۆشی ل ڕۆلێ مێژوویی و کارایێ بنگەهێ لالش کر وەک ناڤەندەکا پێشەنگ د پاراستنا کەلتوور و ئهدهبا ئێزدیان، و ئاماژە ب وێ چەندێ هاتە کرن کو کار و چالاکییێن بنگەهی، ژ ڤەکرنا خولێن پەروەردەیی بۆ گەنجان تا چاپکرنا پەرتووک و ئەنجامدانا كۆڕ و سمیناران ل سەر پرسا پێکڤەژیانێ، کارتێكرنهكا مەزن ل سەر هشیاریا جڤاکی هەبوویە.
ل داوییا دیدارێ دا، سەرۆکێ بنگەهێ لالش سوپاسیا ڤێ سەرەدانێ کر و ڕاگەهاند کو دهرگههێ بنگەهێ لالش یێ ڤهكریه ژ ههر كهسایهتیهكی ڕا و ل سهر كار و خزمهتا خوه دێ بهردهوام بت.
ههروهسان بهحس ل بەردەوامیا پەیوەندیێن دۆستانە و کارێن هەڤپشك هاته كرن ئهوژی ژ پێخهمهت بەرژەوەندیا گشتی.
تُتاح هذه الصورة أيضا في: کوردی