ئێزدی دچارچۆڤێ كوردستانێ وكۆچبەریێ دا…هۆكار وچارەسەری ؟؟؟
فەهمی بابێ رۆژانێ
ئێزدی وەك پێكهاتەكێ رەسەنێ مللەتێ كورد وخودانێن كەڤنە ئۆلا كوردانە بەری هاتنا ئیسلامێ ورێژەكا باش ونێزیكی 20%ژخەلكێ كوردستانێ پێك دهاتن بەری كارەساتا شنگالێ وكوشتنا ب هەزاران وگرتن وفرۆتنا ب هەزاران ودەربەدەربونا ب سەدان هەزاران ل ناڤ كەمپان ودەریان ویۆنان وئەوروپا بەلاڤبونە ،ژبەر كارەساتێ وجینۆسایدێ ڕەهێن وان لەرزین ولڤیان ژوەلاتێ باب وكالان وبەرێ خوە دانە رێكا هات ونەهاتێ وحەلیانێ وبەرزە بونێ دناڤ فەرهەنگێ ئەوروپا ورۆژئاڤا یێ جیهانا ئازاد وبەرەلا وئەو سەدەما كو ژبەر درەڤن هەمان سەدەم لورژی هەیە بەلێ بخوە وبدلێ تێنە حەلاندن وڤەقەتیان ژكولتور وفەرهەنگێ خوە یێ رەسەن وب تایبەت زارۆك وگەنج نائێنە كۆنترۆلكرن ودێ وەكی پەروەردا وان ئێنە خودانكرن، ژبەر نەبونا بنەمایەكێ موكمێ هزری وئۆلی هەر بگرە ژناڤ پیرە مێرا وهەتا زارۆك وژنان وبساناهی ڤاری دبن ژكولتور وداب ونەریتێن خوە،لەوما ببۆرینا دەمی خوە ژدەست ددەن ووەكی بێژن (ژبەر شركێ چۆنە بەر مەزریبێ )ئانكو خرابتر بۆچی ئێزدی وەلاتێ خوە دهێلن وپشتی (75 )فەرمانان كو ب سەرێ وان هاتی ؟؟؟؟ب شێوەكی گشتی ئێزدی دبن دەسهلاتێن بەرێ دا لسەر دەستێن ئۆسمانیان وبەری هنگی وهەتا نهۆ هەر دبن چەوساندنێ وقركنێ دەنە وحەلاندنا بزۆری وگهۆرینا ئۆلا وان وئەنفالكرنا وان وەكی فەرمانا میرێ كۆرە وفریق پاشا ووالیێن موسلێ ژبنەمالا العمری ووالیێن بەغدایێ وهەكە ل فەرمانێن بەرێ پشت وپەنا بۆ ئێزدیان نەبن بتنێ بەرەڤانی ژخوە دكرن دچیا وشكەفتاندا بشێوەكی قارەمانانە وئەڤێن مایین هەمی بەرمایكێن وان قركرن وفەرمانێن رەشن وئەڤ ترس ولەرزە وبێ باوەریا دناخێ تاكێ ئێزدیدا هاتیە چاندن وهەر مایە بێ باوەری ژپاشە رۆژا خوە چنكی هەر یێ چەوساندیبو ژبلی ئاغا وبەگا ومەزنە هۆزێن خودان بەرژەوەند دگەل دەسهلاتان وزۆربەی مللەتی بهەژاری ونەداری وبێ پشتەڤانی دژیا وهەكە ئێزدی خوە لڤێ داویێ وپشتی ئازاد بوونا كوردستانێ وئیراقێ خوە ببینن خودان پشتەڤان پارتێن كوردستانی هەمی خوە بگۆتنێ لوان دكەنەخودان ووەكی نەمر ئەحمەدێ خانی دمەم وزینا خوەدا دبێژە (هەر چەند بگۆتنێ وەكی من ئەمما بسۆتنێ نەوەكی من).
جهێ داخەكا گرانە كو ئێزدی بدروستی خوە بخودان نابینن وبتنێ بۆ كۆمكرنا دەنگان ل هەلبژارتنا وهاندانا هندەكێن دی یێن نەئێزدی بۆ پلەو وپایێن بلند بدەنگێن وان،چنكی ئەو بخوە نە لئاستێ هەڤگرتنێ نە كو لگۆر ژمارا دەنگێن خوەیێن راستە قینە بدەنە خوە و نونەرێن خوە هەلبژێرن بەلكی دبنە پالێن خەلكەكێ دی وبەرۆڤاژی بەرژوەندێن خوە ودێ دەنگێن وان پرت وبەلاڤببن ودمینن دەست ل هەوا وبێ مفا لەوما هەتا نۆكە كە وەزیرەك نینە لحكومەتا هەرێمێ وبتنێ ئێك پەرلەمانتار مە هەیە وبدیتنا مە روبەرەكی ڤالا یێ مەزن دناڤبەرا ئێزدیان وسەركرداتیا پارتان وحكومەتێ دا پەیدابویە وبهیچ رەنگی راستی وهەلوێست وئێش ئازارێن ئێزدیان وەك پێتڤی ناگەهنە جهێ بریارێ لەوما بێ ئۆمێدیەكا مەزن پەیدا بویە وڕەهێن وان لڤیانە ولەرزینە وبەرێ خوە ددەنە رێكێن هات ونەهات وحەلیانێ ونەمانێ وهەمی لایەك بەرپرسیارە ژڤێ دیاردا مەترسیدار وبتایبەت خودان پلە وپایە وخوە كرینە تاكە ژێدەر وجهێ باوەریا سەركردایەتیێ ول هەمی دەور وزەمانان وهونەرێ خوە گەهاندنێ بهەر رێكا هەبیت پەیرەودكەن ونەخەما وان چارەنڤیسێ مللەتی وحەلیان ودەر بەردەر بونا خەلكێ یە ؟؟بۆچی هەمی پێكهاتنا كۆتا هەیە بتنێ ئێزدیان نینە ؟؟؟؟.
بەلێ ئێزدی كوردێن رەسەنن وب كوردی خودێ دناسن وكەس نكارە مزایەدێ لسەر كوردینیا وان بكەت ،بەلێ ژبەركو ئۆلا كەڤنا كوردایە وچەندین فەرمان وقركرن بسەر واندا هاتینە وهەر ئۆل وزمانێ خوە پاراستینە دڤیا تایبەت مەندیا خوە هەبان ددام ودەزگەهێن كارگێری وپارتایەتی ولگۆر رێژا خوە ودهەمی بوارێن ژیانێ دا وباوەرنامێن هەمی پسپۆریان وشیان ودلسۆزی ورابۆریێ پاكژ هەنە وهەكە بكەڤنە دجهێ بریارێ دادێ بباشترێن شێوە ئەركێ خوە ئەنجام بدەن،نەك بتنێ پلێن بەردەست وفەرمانبەرێن بچوك وبێ دەسهلات ؟؟چەند ئێزدی جێگرێ وەزیرا هەنە ؟؟چەند رێڤەبەرێ گشتی هەنە ؟؟؟چەند پلێن ئەفسەریا لەشكەری وپۆلیسی وپاراستنێ داینە ئێزدیان ؟؟؟چەند ئێزدی د نونەریا حكومەتا هەرێمێ یان یا عێراقێ لدەرڤەی وەلاتی هەنە ؟؟چەند ئێزدی دنڤیسینگەهێن ناڤەندی یێن پارتان هەنە ؟چەند راوێژكارێن حكومەتێ یان پەرلەمانی یان سەرۆكاتیا هەرێمێ هەنە ؟؟؟بۆچی پارێزگەها دهۆكێ جێگرەكێ ئێزدی نینە مانە زۆربەیا ئێزدیان لپارێزگە ها دهۆكێ دژین ؟؟؟بۆچی ئێزدیان سەنگا خوە وەكی هۆزەكا مللەتی دهەڤسەنگیا دانانا پلە وپایە وكارگێریا فەرمانگەهێن پارێزگە ها دهۆكێ دا نینە ؟؟؟؟وژبەر ڤان بۆچییان ئێزدی خوە وەك پێتڤی دچارچۆڤێ كوردستانێ دا نابینت ؟؟؟وبۆ هەركارەكێ ئاسان دڤێت بۆ خوە واستەكێ بگریت هەتا كارەكێ وی برێڤە بچیت ؟؟؟؟ چنكی كەسی وی نینە لوان جیهان ودمینت دگێژەڤانكا دا هەتا كارەكێ وی برێڤە بچیت ؟؟؟وئەوێ بێژیت ئێزدی نەلئاستێ بەرپرسیاریێ نە لەوما رۆلی نادەنێ وناكەنە دجهێ بریارێدا ؟؟چنكی ئەوێن دئێنە هەلبژارتن نە لگۆر پیڤەرێن -دلسۆزی –شیان –ورابردوو-وكوردپەروەریێ دئێنە بەر بژێر كرن بەلكی هەمی كەس دزانیت لگۆر چ پیڤەران وەكی زەوق –وپەیوەندیێن كەسایەتی –وبنەمالێن چەندین پلە قورغكرین وهەر ئەون وبازنێ دۆرا وانە ژبلی ئاغا وبەگا وسەرۆك هۆزان دئێنە هەلبژارتن ورۆلێ خوە نابینن، چنكی بتنێ مەرەما وان رۆژا ببۆرینن وبەرژەوەندێن خوە ودۆر وبەرێن خوە وچەندەكێن نێزیكی خوە دابین بكەت ونەخەما وی جەماوەر وئێزدی ومللەت وئەزموونە ؟ڤێجا دێ بێژن ئەها بابۆ بەرێ خوە بدەنێ مە رۆل دایێ لێ نە یێ سەركەفتی بوو،هەكە ئەم رۆلێ بدەینە ئێزدیان وپشتە ڤانیێ لێ بكەین ژلایێ سەروو یی ویڤە چ حكومەت وچ حزب ئەز باوەرم ئێزدی خودان وژدان وشیان ودلسۆزینە هەكە لدیف پیڤەرێن وەلاتپارێزی ورابۆریێ ودلسۆزیبیت وهەكە ئەم نموونێ ژ سەركردەكی شۆرەشا گولانێ یێن وەكی شەهیدێ فەرماندە مەحموود ئێزدی قارەمانێ گارە ومەتینی وەرگرین ئەو كیە ژبادینان وتوركیا وهەمی سنوورێن كوردستانێ ناڤ ودەنگێ وی قارەمانێ ئەفسانەیی نەبهیستی ؟؟ چاوا دوان كاودنێن سەخت ودژوار دا كونە مشك ل جاش وخۆفرۆش ورەشەكێن رژێما فاشستا بەعس كربون قەیسەری كو نوكە بەداخەوە زۆربەی وان خۆفرۆشان بوینە خودان پلە وپایە ودەستهلات وبوینە زۆرینە ددام ودەزگەهێن میری وحزبی وهەر ئەون بابێ كوردۆی وسەرێ دیوان وشاشێن تی ڤیان بۆ وانە ؟؟؟!!وبونە جهێ هەلسەنگاندنا خەمخۆر ودلسۆزێن مللەتی لەوما كوردپەرەری ورەخنە وگەنگەشە لجەم وان بویە تێكڤەدان وكاڤلكرن وتێكدەری ووان كەسان دوور دكەن ژجهێ بریاری وپلە بەرزكرنێ چنكی دزیێن وان دیار دكەن.
ڤێجا چاوا دێ گەندەلكار بهێلن خودان هەلوێست ودلسۆز نێزیكی وی ببن یان دەرفەتا بەرزبونێ بەرەو جهێ بریارێ نێزیك ببیت ؟؟بۆچی شەهید مەحموود ئێزدی رۆلەكێ قارەمانی و ئەفسانەیی دیت دشۆرەشا گولانێ دا ؟؟؟چنكی سەركردەبوو وبریار بدەست بوو وسەركردایەتیا شۆرەشێ پشتە ڤانی لێ دكر،وئەو بەرپرسێن برێكێن هونەرێ خوەگەهاندنێ ومەللاقیێ وپەیوەندێن كەسایەتی وبنەمالی وئاغایەتی خوە گەهاندینە جهێ بریاری وبەرژەوەندێن هندەك كەس وگروپان دپارێزن بهەر شێوەكی هەبیت پشتەڤاڤانی لوان دئێتە كرن ژبۆ بەرژەوەندێن وانێن هەڤپشك لسەر كیسێ مللەتی وخونا شەهیدان ڤێلایان وكۆمپانییان ورەسێدێن ئۆرۆپا وخەلیجی وكۆچك وتەلارێن سەرێ چیا وەكی قوبێن فەلەكێ كو لهەمی كوردستانێ دبەربەلاڤن وبەرێ خوە بدەنە بارێ كوردستانێ گەهشتە ڤی رادێ دلئێش وحكومەتێ پارێن موچێن فەرمانبەران وپەككەفتیان وشەهیدان وپیرە ژنان نەمایە ویا دەیندارە ودەولەت ئیفلیج بوویە وبارەكێ زۆرێ گران كەفتیە سەر ملێن پارتێن كوردستانی ومەترسیێ لسەر ئەزمونا بخونا شەهیدان هاتیە پێش پەیداكریە وسەرۆكێ هەرێمێ پرۆژێ چاكسازیێ ب تاكە رێك دیتیە ژبۆ چارەسەریا ڤێ قەیرانا كوژەك كو پشتی وەكی دبێژن (بار گەهشتیە سەر شاخێن گای )وبارەكی گرانە چنكی كون ژپاتە مەزنتر لێ هاتیە نەخاسمە ئەمێن بەرەو قوناغێن چارە نفیس سازڤە دچین ومەلبەرە ریفراندمێ لسەر چارە نڤیسێ خوە بكەین وبەرەو راگەهاندنا دەولەتا خوە یا سەربەخۆ دچین كو مافەكی مە یێ رەوایە ومە پشتەڤان هەنە لجیهانێ.
هەكە ئەم خوە رێك بێخین وناڤمالیا خوە موكم بكەین بچاكسازیێ ودادپەروەریێ ورامالینا گەندەلیێ وگەندەلكاران،داكو هاولاتی باوەری بوەلات ودۆز وبەهایێن خوە هەبە ویێ ئامادەبە خوە گۆری بكە بباوەری نەك وەلاتی بهێلە وبەرەو چارەنڤیسەكی نەدیار برەڤە ؟؟ بۆچی تاكێ ئێزدی باوەری بخوە وەلاتێ خوە نەمایە ؟؟!! وەكی مە لسەری دیاركری نەبونا وی لجهێن هەژی وەك پێتڤی ولگۆر رێژە و وشیان وقەوارە دناڤ حكومەتێ وپارتان وهەر ژجهێن نورمال بگرە ژ فەرمانگەهێن خزمەتگوزاری وهەتا پلێن بلندێن وەزارەتان وسەركردایەتیا پارتان وسادەترین نموونە ئەڤ كەمپێن ئاواران كو 90%ئێزدینە وپێتڤی فەرمانبەرانە لێ زۆربەی وان نەئێزدینە وبرێكێن واستە كاریێ وناسینێ وپەیوەندیان دئێنە دامەزراندن وئەڤ رێكخراوێن سڤیل، هەروەسا برێكێن شاش دئێنە دامەزراندن وزۆربەی وان نیاسێن كار بدەستانە وچەندین گازندە لسەر كارێ وان هەنە وهەر بێژە ودەنگێ تە ناگەهیتە كەسێ ؟؟؟ما دەم سەیدای یێ دانای ؟؟دەرئەنجام هەكە پارت ودەسهلات خوە نەگەهینیتە جادا ئێزدی وئێكسەر ونەبرێكا بەرپرسان وئاغان وبەگێن هەمی دەم ودەورانان كو مخابن ئەو بوینە جهێ باوەریا پارتان وحكومەتان بدرێژیا دیرۆكا وانا رەنگاو ورەنگ وچ جاران بەرژوەندا خوە نەداینە بدۆزا گەل ووەلاتێ خوە ودڤێت بسەر وانرا گاڤا باڤێژین بەروە جەماوەرێ دلسۆزێ گەل ووەلاتێ خوە وهەكە نە چ جاران راستی نائێتە دیاركرن وخەلكێ باوەری بخوە ووەلاتێ خوە نامینە وبتایبەت ئێزدی دێ هەر بەرێ وان لدەرڤە بیت وبەرەو نەمانێ وحەلیانێ وبەرزە بونێ ؟؟؟گەلۆ كی بەرپرسیارە ؟؟وژلایەكی دیڤە بارێ دەرونی یێ ئێزدیان وبتایبەت پشتی كارەساتا شنگالێ زۆر ئالۆزبویە وهەكە وەك پیتڤی خوە دمۆفكێن حكومەت وپارتان وژیانێ دا نەبینت ئەو تۆزا باوەریا نوكەژی مای دێ ژدەست بدەت وهیچ گرێدانەك بوەلاتی ڤە نامینت ؟؟؟.
هەمی شیان وباوەرنامە ولیهاتن ودلسۆزی ئێزدیان هەنە پرسیار ئەوە ؟؟چەند وەزیر ؟ چەند جێگرێ وەزیری ؟چەند رێڤەبەرێ گشتی ؟چەند رێڤەبەرێ فەرمانگەها ؟چەند كادر لسەركردایەتیێ ؟چەند لكونسلخانان ونونەراتیا حكومەت وپارتان ؟چەند كەس لجهێ بریارێ ؟ولگۆر رێژا ئێزدیان كو كوردێن رەسەنن وكەڤنە ئۆلا كوردانن وتوشی هەزاران نەهامەتی وقركرن وجینوساید هاتینە ؟چ هاتیە كرن ژبۆ بتر بێنە گرێدان بدۆز وگەل ووەلاتێ خوەڤە ؟؟بدیتنا مە بەرسڤا وان پرسیاران وچارەسەركرنا وان كێماسیان تاكە چارەیە كو ئێزدی خوە خودانێ ڤی وەلاتی بزانن وپێڤە بێنە گرێدان وكۆچبەریێ كێم بكەن ومال وحال ودیرۆك وپیرۆزیا ئۆلا خوە نە دەنە پشت خوە ولچوپا سوار نەبن ودناڤا دەریا دا بخەندقن یان بگەهنە كۆلانێن ئەوروپا وبحەلیێن دناڤ فەرهەنگێ كاڤلكەردا وبدیتنا مە ئەڤە بەرپرسیاریا دیرۆكی وئەخلاقیا هەمی پارت ولایەنێن كوردستانی وحكومەتا كوردیە وهیڤیدراین هەمی لئاستێ وێ بەرپرسیاریێ بن ودیرۆك دلۆڤانیێ بكەسی نابەت ؟؟؟.
تُتاح هذه الصورة أيضا في: کوردی