دڤێت جلكێن كەلتۆری نێنە ژبیركرن
دیدار:سەلام سەبری 
شیخ قاسم سلێمان حجی بەرنیاسە ب شێخ حجی سلێمان ئەلشمسانی،دروونكارەكی كەڤنارێ خەلكێ شنگالێ یە و نوكە ئاوارەی كۆمەلگەها خانكێ بوویە و ددیدارەكێ دا بۆ دەنگێ لالش دیاركر،دتەمەنێ 19 سالیێ وەرە ئەز كارێ دروونكاریێ دكم و جلكێن مە یێن كەڤنار چێ دكم و تانهۆ بەردەوامم، بەلێ پشتی وێ كارەساتا ب سەرێ مە دا هاتی و ئاوارەبوونێ كارتێكرن ل كارێ من هاتییە كرن.
دەربارەی كارێ خۆ،شێخ حجی سلێمان ئەلشمسانی دبێژت: سالا 1969 وەرە ئەزڤی كاری دكەم و ب كارەكی پیرۆز دبینم و ئەز ژ هزرا خۆ فێربوویمە و وی دەمی من مەكینە بۆ خۆ پەیداكری مەكینا من یا ب لنگی بوو،چنكو وی دەمی كارەب هند نەبوو و مەكینە من هەر ژ دەست پێكێ دگەل من بوو دەما خراب دبوو هەر من بدەستێ خۆ چێدكر ،هەروەسا ل كارێ بەرێ یێ من یێ باشبوو وكارێ مە نەوەك ڤی سەردەمی بوو هەموو جلكێن كەلتوری بوون و یێن بدەستی دهاتنە دروستكرن و وی دەمی خەلكەك هەژار بوو تشت نەهند بەها بوون ،بەلێ نۆكە نەوەك بەرێ یە و یێن سەردەمیانە دەركەفتینە خەلكەك وان بكاردئینت،بەلێ هەر پێتڤیە تشتێ كەلتوری وكەڤنار ژبیر نەكن.
سەبارەت دروتنا جلكان،ئەلشمسانی گۆت:نۆكە ب تنێ سێ جۆرێن سەرەكی یێن جلكا ددروم،چنكو یێن حازر و سەردەمانە دەركەفتینە سەر داخازیا هنەك كەسا وەك وان بڤێت چێكم و گەلەك جارا ئەوكەسێن قەستا من دكن بۆ چێكرنا جلكا دئێن قوماشا دئینن گەلەك ژێ بەس دئێن و قوماش دەڤ من بخۆ هەیە چێ دكم و بەهایەكی گونجای و هاریكاریا وان دكم.
هەروەسا پشتی ئاوارەبوونا خۆ،دروونكاری گۆت:پشتی ئاوارە بوونێ كارێ من گەلەك كێم بوویە،چنكو گەلەك خەلكێ مە نزانت كا ئەز هەر سەر كارێ خۆ یێ بەردەوامم ئان نە ژبەركو ئەم ئاوارە بووینە،بەلێ لسەر كارێ خۆ هەر بەردەوامم.
ل داویێ ژی دروونكارێ شنگالێ دیاركر،خەلكێ مە نهۆ وان جلكێن بەرێ ناكەتە بەرخۆ،بەلێ دڤێت ئەم تشتێ كەلتۆری هەر ژبیرنەكەین دا فلكلۆرێ مە وندا نەبتن و پارێزین.
تُتاح هذه الصورة أيضا في: کوردی