هەڤژینا ئستێرەكا هۆلیوود دبتە پارێزەرا كوردێن ئێزدی
K24_هەولێر
ئەمەل كلوونی،هەڤژینا جۆرج كلوونی، ئستێرا ناڤدارێ هۆلیوود،راگەهاند ئەوبوویە پارێزەرا دۆسەیا كوردێن ئێزدی ل دادگەها نێڤ دەولەتی، ل بەرامبەر ئەو تاوانێن ژ لایێ داعشێ ڤە ل دژی وان ئەنجام داین.
ئەمەل كلوونی كو ب رەگەز لوبنانییە دبێژت:”چەوا دبت مەزنترین تاوانا مرۆڤایەتی ل بەر چاڤێ مە بێتە ئەنجامدان و ئەنجامدەرێن وێ تاوانێ ژی ل دادگەها لاهای نێنە دادگەهكرن”.
هەروەسا دبێژت:”ئەم دزانین ب هەزاران ئێزدی ژلایێ رێكخراوا داعش هاتنە كوشتن و ب هەزارێن دی ژی رەڤاندن و هەتا نۆكە ژلایێ چەكدارێن وێ رێكخراوێ دەستدرێژیێ دكەنە سەر ژنان”.
ئەمەل ئاماژێ ب وێ یەكێ ژی دكت،وەخت هاتیە بەرپرسێن داعش بێخنە قەفەسا زیندانێ و گۆتژ شانازییەكە مەزنە بۆ من ببمە پارێزەرا دۆسەیا نادیا موراد و نوونەراتیا وان بكەم.
دڤی دەربارەی دا نادیا موراد، چالاكڤانا ئێزدی، كو ب كچا كوردستان ناسیارە، بۆ وێ پالپشتیكرنا كوردێن ئێزدی سوپاسیا ئەمەل كلوونی دكت.
ئەمەل كلوونی شارەزا و پسپۆرا یاسایا نێڤ دەولەتییە و نۆكە ژی شیرەتكارا یاسایی و پارێزەرا بەرەڤانیكارە ل دادگەها بلندا باڵای دۆتی ستریت چامبەرز ل لەندەنێ.
تُتاح هذه الصورة أيضا في: کوردی