پێكهاتنەكا جڤاكی ل كۆمەلگەها خانكێ هاتە ئەنجام دان
تۆرا لالش یا راگەهاندنێ
ب چاڤدێریا بەرێزان”سەربەست دێوالی ئاغا” و “شێخ شامۆ”سەرۆكێ دەستەیا بلندا بنگەهێ لالش ل دهۆكێ و ئەندامێ پەرلەمانێ كوردستانێ، ل رێككەفتی 29/7/2016،پێكهاتنەكا جڤاكی دناڤبەرا هۆزا قیرانی یا كوردێن ئێزدی و مالباتەكا كوردێن رۆژئاڤا(سووری) ل كۆمەلگەها خانكێ هاتە ئەنجامدان.
ب ئامادەبوونا بەێزان “سەربەست دێوالی ئاغا” و “شێخ شامۆ” و میرزا حەجی میرزا” و “حەجی سەلام مسوریكی” و كەسایەتیێن هەردوو ئالیان،ئەڤ پێكهاتن ل دیوانخانا “سەربەست ئاغا” هاتە كرن،كو كێشە ل سەر روودانەكا نەخواستی بوو ب قەزا و قەدەر بوو،كو ژنكەك ب ناڤێ”دای بەسێ رشكو”بوو قوربانی ڤێ روودانێ ب دەستێ ئالیێ مالباتا كوردێن رۆژئاڤا ڤە.
درێورسمێن پێكهاتنێ دا”شێخ شامۆ” دكورتە پەیڤەكێ دا دوعا ژخودێ خوەستن جهێ رەحمەتیێ بەهشتا خودێ مەزن بە و هەدارێ بدە كەس و كارێن وێ و گۆت:سوپاسدار و منەتكارێ وە و رێزگرتن و جوامێریا وەنە و ون مروڤێت قەدرناسن.
ل بەرامبەر دا هەردوو مالباتان سوپاسیێن خۆ یێن بێ سنوور ئاراستەی” سەربەست دێوالی ئاغا “و”شێخ شامۆ” كرن،ژبۆ پێكئینانا هەردوو مالباتان و هیڤی خواستن هەردەم كەسانێن وەسا خێر خواز دناڤ جڤاكێ مە دا هەبن،تایبەتی دكاودانەكێ وەسا دا بۆ بەردەوامیا پێكڤەژیانێ دناڤبەرا هەموو تەخ و چینێن جڤاكی دا.
تُتاح هذه الصورة أيضا في: کوردی