رەڤاندیێن ئێزدێ بۆ لایێ راستی ل مووسل ھاتنە ڤەگوھاستن
باسنيۆز:لهزگين جۆقى
رێڤەبەرێ نڤیسینگەە کاروبارێن رەڤاندیان ل پارێزگەھا دھۆکێ دیارکر تیرۆرستێن داعش رەڤاندیێن کوردێن ئێزدی بۆ لایی راستی یێ مووسل ڤەگوھاستن دووڤ ھندەک پێزانینان سێ جھان کچ وژن وزارۆکێن ئێزدی ب کۆم ھەنە وەکو دیتر ل ناڤ مالاندا بەلاڤکرینە.
دەرمان خەتاری، رێڤەبەرێ نڤیسینگەە کاروبارێن رەڤاندیان ل پارێزگەھا دھۆکێ، بۆ (باسنیوز) دیارکر: “ھنچێ تبلێن دەستان رەڤاندیێن ئێزدی ژلایێ چەپی یێ مووسل ھاتنە رزگارکرن، ھندەک پیزانێن ھەنە دو یان سێ جھێن تایبەت لایێ راستی مووسل ھەنە ل وان جھان رەڤاندیێن ئێزدی ب کۆم تێدا نە وەکو دیتر ل ناڤ ھندەک مالاندا دوو کچ و ل ھندەک مالاندا ژێ سێ کچ ھەنە ھەر ژ رۆژا دەستپێکرنا ئوپەراسیۆنا مووسل ھەتا نوکە دۆرێن 100 رەڤاندیێن ئێزدی رزگاربووینە”.
خۆیا ژی کر: “ل تەلەعفەر گەلەک رەڤاندیێن ئێزدی ھەنە ل ھەیڤا 10 سالا 2014 سەرۆکێ حکومەتا ھەرێما کوردستانێ نڤیسینگەھەک بۆ رزگارکرنا رەڤاندیان ڤەکر ھەتا نوکە 2881 کەس ژ دەستێن تیرۆرستێن داعش رزگارکرینە”.
ل کارەساتا شنگال رۆژا 3/8/2014تیرۆرستێن داعش ب شیوەیەکێ ھوڤانە ھیرشێ سەر شنگال کرن پتر ژ 7 ھزار کوردێن ئێزدی گرتن و کوشتن و رەڤاندن و بیێ سەروشینکرن ھەتا نوکە بتنی سەرۆکێ حکومەتا ھەرێما کوردستانێ پشتەڤانیی ل رزگارکرنا رەڤاندیان کریە.
تُتاح هذه الصورة أيضا في: کوردی