كوردێن ئێزدى بۆ ماوێ ههفت رۆژان دێ بتنى رێورهسمێن ئایينى یێن جهژنا جهمایێ ل پهرستگهها لالش كن
باسنيوز:
دیندارێ ئولا ئێزدیان ل پهرستگهها لالش بۆ(باس) دیاركر:” جهژنا جهمایێ ئێك ژ كهڤنترێن جهژنێن كوردێن ئێزدى سالانه ل 6/10 رێ و رهسمێن ئاینێ یێن جهژنا جهمایێ بۆ ماوێ حهفت رۆژان ل پهرستگهها لالش دگێرن ههر كهسهكێ ئێزدى بیت ونهیێ مۆركربیت دڤان حهفت رۆژاندا ل پهرستگهها لالش ب ئاڤا كانیا سپى دهێته مۆركرن.
بابه چاوێش، دیندارێ ئولا ئێزدیان ل پهرستگهها لالش بۆ(باس) دیاركر:” ئێزدى ژههموو دهڤهران سهرانسهرێ جیهانێ سالانه ل 6/10 قهستا پهرستگهها لالش دكهن بۆ گێرانا رێ و رهسمێن ئاینێ یێن جهژنا جهمایێ ل ههموو ئێڤاریا ژى بۆ ماوى حهفت رۆژان چرایێن ئاقد ونیشانگههێن خاسا ل گهلیێ لالش دهێنه ههلگرن پێدڤیه ههر ئێزدیهكێ قهستا پهرستگههێ بكهت گهرهكه دسهرپرا سهلاتێرا هاتن وچوونێ بكهت وێدهرا ژ نوو بچیته سهر حهودا كانیا سپى ودهست وچاڤێن خوه ب ئاڤا كانیا سپێ پاقژ بكهت”.
بابه چاوێش ئهوژى دیاركر:” ههر كهسهكێ ئێزدى یێ قهستا لالش بكهت پێدڤیه قهستا كانیا سپى و دهرێ قاپیێ و زمزمێ وسندرووكا شیخادى و بهرێ شباكێ و نیشانگههێن شێخ فهخر و مهزارگههێ شێشمس ومهزارگههێن شێخ و پیرێن خوه زیارهتێ بكه تكو دهربازبوون دسهر پرا سهلاتێرا رامانا وى ئهو كهسێ ئێزدى نهفس و جانێ خوه پاك بكهت ژ گونههان”.
دیندارى ئولا ئێزدیان ل پهرستگهها لالش گۆت:” دیندار وزانایێن ئولا ئێزدیان ل پهرستگهها لالش ههموو رۆژێن جهژنێ ل ئێڤاریا سهما دكێشن و قهول و بهیت و قهسیده وقهوال دهف و شبابا لێ ددهن دهف و شبابا ژلایێ قهوالێن ئێزدیان ڤه دهێنه لێدان”.
ئاماژه دا وى یهكێ ژى كو ل رۆژا چوار ژ جهژنا جهمایێ پهرى دهێته سواركرن رۆژا دووڤدا ژى ژ جهژناَ جهمایێ رێ و رهسمێن قهپاغێ دهێنه گێران ئهوژى هوزیێن ئێزدیان بهرههڤ دبن بۆ گێرانا وان رێ و رهسمان وهكو هوزا قائیدیا ل رۆژا شهشێ ژ جهژنا جهمایێ بهرى شباكێ دهێته سواركرن ههر كهسهكێ ئێزدى بیت و نهیێ مۆركربیت ل جهژنا جهمایێ ئهو كهسێ ئێزدى ب ئاڤا كانیا سپى دهێته مۆركرن و ههموو سهردهریێن خاسا سماتێ چێدكهن وگوڤهندا ل دهرێ كانیا سپێ دهێته كرن ل رۆژا دووماهیى ژى جهژنێ ئێزدى ل پهرستگهها لالش تاووسێ نوو دكهن و دهێته جوانكرن ئهڤه ژى ئیكه ژ رێ و رهسمێن ههره گرنگ دناڤ ئێزدیاندا دهێته كرن”.
بابه چاویش ئهوژى دیاركر:” جڤاتا بلند یا روحانیا ئێزدیان بریار دان ئهڤ سالا رێ و رهسمێن جهژنا جهمایێ ل پهرستگهها لالش نههێنه گێران ژبهر مالۆیرانیى و كارهساتا بشهرى مللهتى مه ئێزدى هاتى چونكو خهلكێ مه پتر ئاوارانه نه سهر مال ومولگى خوه نه وتووشى كارهساتهكا مهزن بوون سالا 2014ێ ژبهر ڤى چهندى بریار هاته دان مه بریار دا رێ و رهسمێن جهژنا جهمایێ نههێنه كرن لێ دێ ههر رێ و رهسمێن ئاینى هێنه كرن”.
زێدهتر گۆت:” چرا ههلكرن دباوهریا ئێزدیاندا نیشانا پیرۆزیا رۆناهیێ وئاگرییه و سهما كێشانا ژى دناڤ پرانیا مللهتێن گهڤندا ههبوو وههتا نوكه ئێزدى سهمایێ دكێشن و قهپاغ ژى رامانا وى ئهوه سالهكا پر خێر و بهرهكهت بهێت ودانانا قوربانیێ یه بۆ خودانێ رۆژێ و مۆركرن ژى دناڤ ئێزدیاندا ئێكه ژ فهرزێن تهریقهتێ و نیشانه بۆ پاككرنا وحهلالكرنا مرۆڤێ لهورا ژى ههموو كهسێن ئێزدى ئهوین نهمۆركرى خوه ب ئاڤا كانیا سپى مۆردكهن”.
ئێزدى سالانه رێ و رهسمێن ههشت جهژنا دگێرن ژوانا ژى پێنچ جهژن دناڤ جڤاكێ ئێزدى داد هێنه كرن ئهوژى جهژنا سهرسالێ وجهژنا رۆژیێن ئێزى و جهژنا بێلندێ و جهژنا خدر ئلیاس و جهژنا قوربانێ ههروهسا ژى ئێزدى سالانه سێ جهژنا ل پهرستگهها لالش دكهن ئهوژى جهژنا چلێ هاڤینێ وجهژنا چلێ زڤستانێ و جهژنا جهمایێ.
تُتاح هذه الصورة أيضا في: کوردی