بنگەهێ لالش تایێ بەحزانێ پێتڤیێن قوتابخانێ بۆ دوو قوتابخانان دابینكرن
تۆرا لالش یا راگەهاندنێ
بنگەهێ لالش یێ رەوشەنبیری و كۆمەلایەتی تایێ بەحزانێ،پێتڤیێن قوتابخانێ بۆ قوتابخانێن برایەتی(التاخی) و جانگۆری تەحسین دابینكرن.
دسەرەدانا خۆ یا داویێ دا بۆ قوتابخانا برایەتی(التاخی) و قوتابخانا جانگۆری تەحسین و هایداربوون لسەر پێتڤیێن فەر و پشتەڤانیا پرۆسا فێركرن و پەروەردێ، بنگەهێ لالش تایێ بەحزانێ یاداشتاك ئاراستەی بەرێز”شێخ شامۆ”سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ كر،ب رۆلێ خۆ شێخ سەر گشت پێتڤیان رازی بوو كو چاپخانەكا پێشكەفتی پێكهاتی ژ چاپخانە و ئامێرێ سمنر و كۆپیكرنێ،زێدەباری پەرگەهێن هەمەرەنگ و چەند پێتڤیێن دیتر،ئیرۆ 24/1/2018 بنگەهی گەهاندن هەردوو قوتابخانان.
ژبال خۆڤە”چنار خدر”رێڤەبەرا قوتابخانا جانگۆری تەحسین و “سەربەست عەبدی”رێڤەبەرێ قوتابخانا برایەتی(التاخی)،بخێر ئانینا شاندێ بنگەهێ لالش تایێ بەحزانێ كرن و سوپاسی و رێزلێنان دەربرین و پێشكێشی بەرێز”شێخ شامۆ” و بنگەهێ بەحزانی كرن بۆ گرنگیدانێ ب پرۆسا خووندنێ و پێشكێشكرنا ڤان جۆرە پێتڤیان بۆ قوتابخانێن وان.
هەژی گۆتنێ یە ماوێ چار سالایە بەرێز”شێخ شامۆ”سەرۆكێ دەستەیا بلندا بنگەهێ لالش پشتەڤانیا قوتابخانێن برایەتی بۆ قوتابیێن شنگالێ دكت،هەر ژ دەمێ قوتابیێن ئێزدی ل زانكۆیا مووسل تووشی گەفێن تیرۆری بووین ل سالا 2006_2007،گشت جۆرێن پشتەڤانیێ پێشكێشی قوتابیان كرن بۆ چارەكرنا كێشێن قوتابیان و ڤەگوهاستن و پێشوازیكرن و سەپاندنا وان بۆ بەردەوامیدانێ ب دەوامێ ل زانكۆ و پەیمانگەهێن هەرێما كورستانێ.
تُتاح هذه الصورة أيضا في: کوردی