ئۆلدارهكێ ئێزدى كهلوپهلێن كهلهپۆرى دناڤ مالا خۆدا پاراستینه
تۆرا لالش یا راگههاندنێ/رێناس دنایى
ل فهرمانا سالا 2014 تیرۆرستێن داعش دهما بسهر قهزا شنگال دا گرتى ژبلى كوشتن و تالانكرنێ،كهلوپهلێن كهلهپۆرى یێن ئێزدیان ژناڤبرن،نۆكه ئۆلدارهكێ ئێزدى رابوویه ب دروستكرنا(مالا شنگال یا كهلهپۆرى) و دناڤ مالا خۆ دا كهلوپهلان دپارێزت.
ئۆلدارێ ئێزدى فاخر یێ بهرنیاس ب مام فاخر،بۆ دهنگێ لالش دیاركر،پشتى رزگاركرنا شنگالێ ژ دهستێ تیرۆستێن داعش دهست ب كۆمكرنا كهلوپهلێن كهڤن یێن ئێزدیان كریه یێن كو بكاردئینان بۆ كارێ رۆژانه تا كو جلێن دكرنه بهر خۆ ژوان ژى وهك (تفال،جێنجهر،شالك،دهستار،سهرادۆك وبێژنك)،نۆكه جیهك ب ناڤێ (مالا شنگال یا كهلهپۆرى)دناڤ مالا خۆ دا دروستكریه و مهرهم ژ كۆمكرنا ڤان كهلوپهلان ئهوه داكو دیرۆكا شنگال و ئێزدیان نهئێته هنداكرن و ئهڤ تشته بمینن وهك مێژوو بۆ شنگال و ئێزدیان.
مام فاخر گۆتژى دێ بزاڤێ كهین بتریا كهلوپهلان كۆم بكهین،داكو ل پاشهرۆژێ ئهڤ ماله ببته مۆزهخانهكا مهزن ل دهڤهرا شنگالێ،سهرهراى كۆمكرنا ڤان تشتان گهلهك تشتێن دى ژى ماینه ب دهست نهكهفتى نه،گهلهك ژ وان كهلوپهلان ب ئێكجار نهماینه.
س.س
تُتاح هذه الصورة أيضا في: کوردی