تۆرا لالش
ب دهستپێشخهرييا ناديا موراد ڕووفاتێ قوربانيا ئێزدى كامو ئهلياس عهلى ل گۆڕستانا مهزارگههێ شێشمس ل شنگالێ هاته دهرێخستن.
د بهياننامهيهكێ دا دهستپێشخهرييا ناديا موراد ڕاگههاند: د چارچۆڤێ بزاڤێن بهردهوام يێن بهلگهكرنا تاوانێن كۆمكوژييا ب كۆم يا جينۆسايدا ئێزدييان و پاراستنا كهرامهتا قوربانييان، پڕۆسهيا دهرێخستنا ڕووفاتێ جانگۆرى “كامو ئهلياس عهلى” خهلكا كۆمهلگهها سيبا شێخدرێ ب ڕێڤه چۆ.
ديار ژى كر، جانگۆرى كامو ئهلياس ل دهمێ كۆمكوژييا ب كۆم يا ب سهرێ ئێزدييان دا هاتى، ژ بهر كاودانێن بزهحمهت يێن مرۆڤى و تێكچۆنا ڕهوشا ساخلهمييێ ل دهڤهرا كهرسێ گيانێ خۆ ژ دهست دا و ل مهزارگههێ شێشمس هاته ڤهشارتن.
ئاماژه ب وێ چهندێ دا، بزاڤێن تيما دهستپێشخهرييا ناديا موراد ب ههماههنگى د گهل لايهنێن تايبهتمهند دا، كارييه ڕازهمهندييێن ياسايى و فهرمى بۆ دهرێخستنا ڕووفاتى ب دهست ڤه بينت.
ئهڤ پێنگاڤه د چارچۆڤێ بهلگهكرنا گشتگير يا تاوانێن كۆمكوژييا ب كۆم و قوربانييان دئێت، زێدهبارى پشتهڤانييا ڕزگاربوويان و قوربانييان بۆ بدهستڤهئينانا دادمهندى و دادپهروهرييێ.
تُتاح هذه الصورة أيضا في: کوردی