تۆرا لالش – سەما (شنگال) ٩ی ئادارا ٢٠٢٦
ژبۆ پاراستنا ڕەسەناتیا شنگالێ و گرێدانا نڤشێن نوو ب مێژوویا باب و باپیران، خلمه‌تكار “فاخر خەلەف”، کو خەلکێ قەزا شنگالێ یە، ژ ساڵا ٢٠١٦ێ وەرە دەست ب پڕۆژەیەکێ مەزن و پیرۆز کرییە بۆ کۆمکرنا کەرستەیێن کەلەپووری و فۆلکلۆرێ ئێزدییان.
ئاڤاکرنا مالەکا کەلتووری ل ناڤەندا شنگالێ
فاخر خەلەف ب ماندیبوونەکا زۆر كارییه پتریا وان ئامیر و کەلوپەلێن دێرین یێن تایبەت ب ژیانا ئێزدییان کۆم بکەت و ل ناڤەندا قەزا شنگالێ “مالا ڕەوشەنبیری و کەلەپووری” ڤەکەت، ئەڤ مالە بوویە نیشانەکا دیار بۆ شنگالێ و رۆژانە شاند و وەفدێن بیانی و ناڤخۆیی و خه‌لكێ ده‌ڤه‌رێ سەرەدانا وێ دکەن دا کو ژ نێزیک هایداری کلتوور و ڕەسەناتیا ئێزدییان ببن.
بەرەنگاربوونا ژناڤبرنا کلتووری
پشتی کارەساتا شنگالێ و وێ کۆمکوژیا ب سەر ئێزدییان دا هاتی، تیرۆرستێن داعش ب ئەنقەست دەست هاڤێتنە سۆتنى و ژناڤبرنا کەلوپەلێن کەلەپووری یێن دەڤەرێ، ژبەر هندێ، ئەڤ پڕۆژێ فاخر خەلەف ڕۆڵەکێ کارا دگێڕیت د پاراستنا وێ پاشمایێ دا کو ل دووڤ وان مابوو، دا کو ناسنامەیا ڕەوشەنبیری یا شنگالێ و ئێزدییان بەرزە نەبت و هەر ب زیندی بمینت.
پاشەڕۆژ و قۆناغا ڤەژینێ
ئەڤ جۆرە پڕۆژە نەک تەنێ وەک مۆزەخانە، بەلکو وەک پشکەک ژ قۆناغا “ساخبونەڤە و ڤەژینا شنگالێ” دهێنە هەژمارتن، ئەڤە پەیامەکا ڕوونە کو ئیرادەیا ئێزدییان ل دەڤەرێ یا بەردەوامە و کلتوورێ ئێزدییان دێ هەر مینتە پاراستی.
تُتاح هذه الصورة أيضا في: کوردی