د چارچۆڤێ سهرهدانێن گهشتیارێن بیانی بۆ جهێن ئاینی یێن ههرێما كوردستانێ، گهشتیارهكا موسلمان یا تورك ب ناڤێ “توبا مستهفا” سهرهدانا پهرستگهها پیرۆزا لالش كر، خۆشحالییا خۆ نیشاندا و ڕێز و ڤیانێن خۆ بۆ جڤاکێ ئێزدی و پهرستگهها لالش دیار كر.
توبا مستهفا ئاماژه ب وێ چهندێ كر كو پشتی گههشتینه پارێزگهها دهۆكێ، ب رێكا ئهنتهرنێتێ پێزانین ل سهر لالشێ كۆمكرن، لێ ژبهر كو پێزانین كێم بوون، وان بریاردا سهرهدانا ڤی جهێ پیرۆز بكهن و گۆت:ئهم ب گهرمی ژ ئالیێ مامۆستا لوقمان سلێمان ڤه هاتینه پێشوازی كرن، و بهرسڤا ههموو پرسیارێن مه دا و وێنهیهكێ زهلال ل سهر ئێزدیان بۆ مه دیار كر.
د ڤێ سهرهدانێ دا، رۆژنامهڤان لوقمان سلێمان، ب درێژی بهحسێ دیرۆكا ئێزدیان و گرێدانا وان ب خودێ ڤه و پیرۆزییا لالشێ وهك ناڤهندهكا روحی و ئاینی ل جهم ئێزدیان و ئەو نهخۆشی و مهینهتیێن ب سهرێ ڤی گهلی هاتین، ب تایبهت فرمانا 74ێ یا ل سالا 2014ێ ژ لایێ تیرۆرستێن داعش ڤه ل شنگالێ هاتیه ئهنجامدان بهحسكرن.
گهشتیارا تورك زێدهتر گۆت: خۆشترین ههست ل دهمێ ئهم ل پهرستگههێ پێخواس دگهریان، ههروهسان ئێزدی مللهتهكێ ئاشتیخوازن و گهلهك حهژ ههڤالینیێ دكهن.
ل داویێ، توبا مستهفا سۆز دا كو پشتی ڤهگهڕیانا وێ بۆ وارگێ خۆ، دێ راستییا ژیانا ئێزدیان بۆ خزم و كهسوكارێن خۆ ڤهگۆهێزت و دوپات كر كو دێ د پاشهرۆژێ دا دووباره سهرهدانا پهرستگهها پیرۆزا لالش كهت.
زێدهتر ل یوتیوبی تهماشهبكه
تُتاح هذه الصورة أيضا في: کوردی