ب هەلكەفتا ڕۆژا جيهانى يا كرێكاران بنگەهێ لالش شێخان چەندين كرێكار خەلاتكرن
تۆرا لالش
د کەش و هەوایەکی بالکێش دا و ژ پێخەمەت ڕێزگرتن ل کەد و ماندووبوونا چینا کرێکاران، و ب هەلکەفتا ڕۆژا کرێکارێن جیهانێ یاکو هەر ساڵ دکەفتە 1ی ئەيارێ، ئیرۆ رۆژا ئێک شەمبوویێ رێکەفتی ( ٣ / ٥ / ٢٠٢٦ ) ب ئامادەبوونا رێزدار ( صالح حیدر ) بەرپسێ لقا (٢٠) و خانم (مهور عبدالعزیز) کارگێرا لقا (٢٠ ) و چەندین بەرپرسێن دام ودەزگەهێن میری و حزبی و ژمارەكە ژ رەوشەنبير و ماموستايێن دەڤەرێ و کرێکار و مێهڤانێن ئامادەبوویی بنگەهێ لالش شێخان ب هەماههنگی دگەل سەندیکا کریکاران ل شێخان ڕێ و رەسمێن خەلاتکرنا چەندين کرێکاران ل هۆلا لالش (٢) ب رێڤەبرن.
ل دەستپێکێ بەرپرسێن ناڤ هاتین، ڕۆژا جيهانى يا كرێكاران ل هەموو كرێكارێن جيهانێ پیرۆزکرن و ب تايبەت كرێكارێن كوردستانێ و ئەرک و ماندووبوونا وان يێ ديار د خزمەتا دەڤەرێ ب بەرز و بلند نرخاندن.
پاشان بنگەهێ لالش تايێ شێخان چەندين كرێكارێن دەڤەرى خەلاتكرن، و دهەمان دەم دا ئەو كرێكارێن هاتينە خەلات كرن سۆز دان كو د بەردوامبن ژ بو ئاڤەدانا وەلاتێ خو و سوپاسيا بنگەهێ لالش شێخان كرن ژ بو پوته دانا وان ب هەموو تەخ و چينان.
تُتاح هذه الصورة أيضا في: کوردی