هۆنەرمەندەكێ ئێزدی:موزیكا كوردی تاما خۆ ل ئەورۆپا هەیە
تۆرا لالش یا راگەهاندنێ
هۆنەرمەندێ ئێزدی(عەبۆ) ئێك ژ سترانبێژێن دەنگ خۆش و ناڤدارێ ئێزدیایە ماوێ بیست سالایە ل وەلاتێ ئەلمانیا دژیت و نهۆ ڤەگەریایە كوردستانێ بۆ ئەنجام دانا چەند كاران، دكورتە دیدارەكێ دا بۆ رۆژناما دەنگێ لالش راگەهاند،خەلكێ ئەورۆپا دسترانا كوردی ناگەهن و ب شێوەیەكی باش پێشوازیا وێ دكن و تامەكا تایبەت ژ موزیكا كوردی دبینن.
عەبۆیی دیاركر،هەر ژ زارۆكینیا خۆ دا حەزا ستران گۆتنیێ هەبوویە و لگەل برایێ خۆ راید ل وەلاتێ ئەلمانیا دەست ب ستران گۆتنێ كرینە و ئەڤە نێزیكی بیست سالایە ل ئەلمانیا دژیم وئێكەم سترانا خۆ بناڤێ دەیكێ و خەریبیا وەلاتی چێكر و ب وێ سترانێ هاتمە نیاسین،هەتا نهۆ مە دوو ئەلبوم چێكرینە و هەر سترانەكا ب كوردی دبێژین ئەم دوبلاژی زمانێ عەرەبی دكن و هەردوو جەماوەرێ خۆ یێ كورد و عەرەب رازی دكن، راگەهاند ژی ژبۆ هندەك كارێن تایبەت و كارێن هۆنەری هاتیمە كوردستانێ لێ كاودانێن نهۆ عێراق تێرا دەرباز دبت دەرفەت نەدا كارێن خۆ ب رێڤەببەم،گۆتژی سەرەرای هندێ كو خەلكێ ئەورۆبا دسترانا كوردی ناگەهن بەلێ تامەكا تایبەت ژ موزیكا كوردی دبینن و ب شێوەیەكی باش پێشوازیێ لێ دكن.
ناڤهاتی تەكەز كر كو فەرە كەسێ هۆنەرمەند ژبلی كارێ هۆنەری چ كارێن دیتر نەكەت،لێ هۆنەرمەندیێ كورد ل ئەورۆپا نكارن ژیانا خۆ ب تنێ ب كارێ هۆنەری ڤە ب رێڤەببەن ،ژبەر هندێ نەچارن كارەكی دی ژی بكن هەتا بكارن ژیانا خۆ دەرباز بكن.
تُتاح هذه الصورة أيضا في: کوردی