بەرێ خۆ ژ هەیڤێ ڤەگوهێزە
دلفەتار
كێشان
پێكەفتنا پشتێن مەیە
نامێن مە بیەك دگەهینت
ئەوێن بخەم ودل پێڤەمان ڤە
وەك وەغەركرنێ ژیەك دوور دبن
دلێن خۆ دسنگێن یەك دا خودان دكن
تو چەند دووری ،هند نووری
تو چەند دووری،
هند پیاسێن بتنێ دناڤ مندا دكەی
تە ئەز یێ دەرئێخستیم ژ من
هندی ل گەل تەمە
نە ل گەل خۆ مە
دبت توو نەیە چۆیی بی
دبت توو جانێ من بی و
ئەز تە نابینم
دبت توو ژیرێ من بی
خۆ دتەدا دبینم
خەما من،خەمرەڤینا من
كەنگی دێ من بگرنژینا خۆ فرینی
كەنگی دێ من دهەمبێزا خۆدا چینی
كێشان
ماچ و لێڤێن مەنە
رووس دڤیانێ دكەڤن
وێنەیێن بێهوودەیی نە
كوڤیەك كەهی یە،
جاران قۆچا دهاڤێت
ئاخلانا هەیڤێ یە
برینا عەشقێ یە،
ب گرنژینەكێ خۆ لێكددەت
پۆستەچی یە ،
ب شەڤ ژی ناخەوت
ئەی نەفرەت ل رومەتێ بن
نەهێلا یاری بتە لەڤزەت
ئەگەر من توو دیتی ڤە
دێ دەستێن تە دسەرێ خۆ كەم
دێ كەم لەشێ من ئامیرێ دەمی بت
دێ كەم پرتكێن هاوارێن من،
ژناڤ ددانێن تە خلاس نەبن
بتنێ پێككفتنەكێ ژنێزیك بكە
بەلكی جارەكا دی هشیار ب بم
بەلكی جارەك دی دیار ب بم
بەرێ خۆ ژ هەیڤێ ڤەگوهێزە
تو ڕۆژ بخۆیی و
ئەز پێشیا تەمە
دا توو ڤەبی،
دا ئەز ڕۆن بم
دا ئەز ڕۆن بم
تُتاح هذه الصورة أيضا في: کوردی