دۆزخورماتوو.. پێشمهرگهی هێرشا داعشێ شكاند و سێ گوند كونترۆل كرن
وار
رێكخستییا تیرۆری یا داعشێ، هێرشی سێ گوندێن باشۆرێ دوزخورماتوو كرن و ژ دهست میلیشیاتێن حهشدا شهعبه دهرخستن، لێ هێزێن پێشمهرگهی شیان ههرزوو ههرسێ گوندان ژ دهست داعشێ رزگاربكهن.
ل گۆری زانیارییان، شڤێدی سات ئێك، تیرۆرستێن داعشێ، ب رێیا پهقاندنا دوو بۆمبهیێن چاندی، هێرشی سێ گوندێن باشۆرێ دوزخورماتوو كرن، كو د دهست میلیشیاتێن شیعی و پۆلیسێن فیدرالی دابوون و پشتی شهرهكێ گران، داعشێ ههرسێ گوند كونترۆلكرن و ب ئهگهرا پهقاندنا ههژمارهیهكا ترومبێلێن مینرێژكر، میلیشیاتێن شیعی و پۆلیسێن فیدرالی ههژمارهیهكا مهزنا كوشتییان ههنه كو رێڤهبهرێ پۆلیسێن خورماتوو و جێگرێ وی ژی، دگهلدانه.
پهیامنێری وار راگههاند؛ هێرشا داعشێ ل ههرسێ گوندێن بیر ئهحمهد، زنجلی و عهبود، بووینه و پشتی دهمهكی، هێزێن پێشمهرگهی هێرشا رزگاركرنا وان گوندان دهستپێكرییه و ژ دهست تیرۆرستان دهرخستینه.
ل گۆری زانیارییان، داعشێ ب رێیا پتری 10 ترومبێلێن مینریژكری و 30 تیرۆرستێن پیاده، هێرش دهستپیكربوو و شیابوون، مهفرهزهیهكا پۆلیسێن فیدرالی دۆرپێچ بكهن و ههموو پۆلیسێن دناڤدا بكوژن، لێ پێشمهرگهی پتریا تیرۆرستێن هێرشكرین كوشتن و نوكه رهوش ل وی بهرهیی ئارامه.
تُتاح هذه الصورة أيضا في: کوردی