ئەمریکا: ئاگەهداری پێگوهۆڕێ مەکگۆرکی بۆ رێفڕاندۆمێ نینین
WAAR-دهۆك:
وەزارەتا دەرڤە یا ئەمریکا رەت کر کو زانیاری ل سەر ناڤەرۆکا کۆمبوونا مەکگۆرکی و مەسعوود بارزانی هەبن.
هێزەر نۆریت، پەیڤدارا وەزارەتا دەرڤە یا ئەمریکا د پرێسکۆنفڕانسێ خوە یێ حەفتیانە دا راگەهاند؛ وەزارەتا دەرڤە چو زانیاری ل سەر ناڤەرۆکا کۆمبوونا برێت مەکگۆرک، هنارتیێ سەرۆکێ ئەمریکا د هەڤپەیمانییا ناڤدەولەتی دا یا دگەل مەسعوود بارزانی، سەرۆکێ هەرێما کوردستانێ نینن.
هەروەسا گۆت ژی: گەر نوونەرێ سەرۆکێ ئەمریکا پێگوهۆڕەکێ رێفڕاندۆمێ دابیتە مەسعوود بارزانی ژی، وەزارەتا دەرڤە زانیاری ل سەر نینن و ئەو چاڤەڕێنە تا مەکگۆرک ڤەدگەڕیتە ئەمریکا.
راگەهاندنا وەزارەتا دەرڤە یا ئەمریکا د دەمەکی دایە کو دوهی مەسعوود بارزانی، سەرۆکێ هەرێما کوردستانێ و نوونەرێ سەرۆکێ ئەمریکا و هەروەسا بالیۆزێن ئەمریکا، بریتانیا و نوونەرێ نەتەوەیێن ئێکگرتی کۆم ببوون و ل گۆری سەرۆکاتییا هەرێما کوردستانێ، مەکگۆرکی پێگوهۆڕەکێ رێفڕاندۆمێ دایە سەرۆکێ هەرێمێ، لێ بارزانی رێفڕاندۆم ب بڕیارا هەموو ئالیێن کوردستانێ ناڤ کرییە و رازی نەبوویە ئەو بتنێ بەرسڤێ ل سەر پێگوهۆری بدەت.
تُتاح هذه الصورة أيضا في: کوردی