چەند چەکدارێن حەشدا شەعبی ل کەرکووکێ هاتنه دەسته‌سه‌ركرن
رووداو – کەرکووک
هێزێکی پێشمەرگە لە کەرکووک چەند چەکدارێکی حەشدی شەعبییان دەستگیرکردووە، کە ویستوویانە چەک و تەقەمەنی بهێننە نێو شاری کەرکووک.
هیوا حوسامەدین، پەیامنێری رووداو لە کەرکووک رایگەیاند “ئەو چەکدارانە بڕێکی زۆر چەک و تەقەمەنییان پێبووە و ویستوویانە لە رێگەی بازگەکانەوە رەوانەی کەرکووکی بکەن، بەڵام دواتر دەستگیرکراون”.
پەیامنێری رووداو دەڵێت “ئەو چەکدارانە لەلایەن هێزی کۆماندۆی سەر بە یەکەی 70ـی هێزی پێشمەرگە دەستگیرکراون”، ژمارەیان وەک لە وێنەکاندا دەردەکەوێت 9 چەکداران و ویستوویانە لە رێگەی بازگەکانەوە چەک و تەقەمەنی بنێرە نێو کەرکووک.
بەگوتەی پەیامنێری رووداو، تاوەکو ئێستا بەرپرسانی حەشدی شەعبی هیچ قسەیەکیان لەبارەی دەستگیرکردن و ئەو چەک و تەقەمەنییانە نەکردووە کە لەلایەن هێزێکی پێشمەرگەوە دەستگیرکراون.
تُتاح هذه الصورة أيضا في: کوردی