وه‌زاره‌تا پێشمه‌رگه‌ی: تیرۆرستێن داعشێ ڤالاتییا ئه‌منى ب ده‌لیڤه دبینن
خانى نيوز:
وه‌زاره‌تا پێشمه‌رگه‌ی یا حكومه‌تا هه‌رێما كوردستانێ راگه‌هاند، ڤالاتییا ئێمناهیێ د ناڤبه‌را هێزێن پێشمه‌رگه‌ى و سوپایێ ئیراقێ ل ده‌ڤه‌رێن كێشه ل سه‌ر، بوویه ئه‌گه‌ر تیرۆرست بۆ خوه ب ده‌لیڤه بزانن بۆ هێرشكرنێ و دوپات كر وان ده‌ڤه‌ران پێدڤى ب هێزێن هه‌ڤپشك و هه‌ماهه‌نگییا گشتگیر هه‌یه.
وه‌زاره‌تا پێشمه‌رگه‌ى د به‌یانه‌كێ دا به‌رهه‌ڤییا هێزێن پێشمه‌رگه‌ى بۆ به‌رهنگاربوونا مه‌ترسیێن ئاساییشێ ل سه‌ر هه‌رێما كوردستانێ راگه‌هاند، هۆشدارى ژى دانه تیرۆرستان كو پێشمه‌رگه‌یێن كوردستانێ دێ به‌رسڤه‌كا توند بۆ هێرشێن وان یێن چه‌په‌ل هه‌بیت، خه‌لكێ كوردستانێ ژى پشتراست كر كو ئاساییشا هه‌رێما كوردستانێ به‌رده‌وام دێ پاراستى مینیت.
تیرۆرستێن داعشێ سپێده‌هییا ئه‌ڤرۆ رۆژا شه‌مبى 1/5/2021 ل سنۆرێ پردێ و ل نێزیك گوندێ قایه‌باش هێرش كره سه‌ر سه‌نگه‌رێن پێشمه‌گه‌ى و شه‌ر و په‌ڤچوون روودان و ب وێ ئه‌گه‌رێ سێ پێشمه‌رگه شه‌هیدبوون و دو ژى بریندار بوون.
تُتاح هذه الصورة أيضا في: کوردی