سەرۆک نێچیرڤان بارزانی: ئامادەینە کێشەیێن ل گەل ئیراقێ ل گۆرەی دەستووری چارە بکەین
گاڤ نیوز
نێچیرڤان بارزانی، سەرۆکێ هەرێما کوردستانێ ئەڤرۆ ل گەل بالیۆزێ ئەلمانیا کۆم بوو و دوماهی پێشهاتێن رەوشا سیاسی یا ئیراقێ گۆتوبێژ کرن.
سەرۆک نێچیرڤان بارزانی ئەڤرۆ پێشوازی ل مارتن بێگەر، بالیۆزێ ئەلمانیا ل ئیراقێ کر و نێچیرڤان بارزانی، سەرۆکێ هەرێما کوردستانێ د کۆمبوونێ دا راگەهاند: خالا هەرە گرنگ بۆ ئیراقێ و پاشەرۆژا وێ یا سیاسی، سەقامگیری و دەلیڤەیا دانوستاندنان و دەربازکرنا جوداهیانە تاکو دگەهنە خالێن هەڤپشک.
سەرۆک نێچیرڤان بارزانی هەروەسا دوپات کریە: هەرێما کوردستانێ وەک هەردەم ئامادەیە کێشەیێن ل گەل حکومەتا فیدرال ب دانوستاندن و ل گۆرەی دەستووری چارە بکەت ب رەنگەکی کو هەموو ئالی سەرکەفتی بن و سەقامگیری و پەیوەندیەکا دروست د ناڤبەرا هەولێرێ و بەغدایێ دا هەبیت.
ژ لایێ خۆ ڤە بالیۆزێ ئەلمانیا دیار کریە: وەلاتێ وی و وەلاتێن ئەورۆپی ب گرنگی بەرێ خۆ ددەنە پرۆسەیا سیاسی و سەقامگیریا ئیراقێ.
تُتاح هذه الصورة أيضا في: کوردی