سەرۆکێ حکوومەتێ پشته‌ڤانیا هەرێما کوردستانێ بۆ مافێن پێکهاتان دووپات دکه‌ت
باسنيوز:
له په‌یوه‌ندییه‌كی ته‌له‌فۆنیدا، سه‌رۆكی حكوومه‌تی هه‌رێمی كوردستان، له‌گه‌ڵ پاتریارکی کەنیسەی کلدانیی کاتۆلیکی لە عێراق و جیهان، دۆخی كریستیانه‌كانی له هه‌رێمی كوردستان و عێراق تاوتوێ كرد.
ئه‌مڕۆ یه‌كشه‌ممه 7/5/2023، مه‌سرور بارزانی، سه‌رۆكی حكوومه‌تی هه‌رێمی كوردستان، لە پەیوەندییەکی تەلەفۆنیدا لەگەڵ پاتریارک کاردینال لویس ساکۆ، پاتریارکی کەنیسەی کلدانیی کاتۆلیکی لە عێراق و جیهان، دۆخی کریستانەکانی عێراق و هەرێمی کوردستانیان تاوتوێ کرد.
له په‌یوه‌ندییه ته‌له‌فۆنییه‌كه‌یدا، مه‌سرور بارزانی، پشتیوانیی حکوومەتی هەرێمی کوردستانی بۆ مافەکانی گشت پێکهاتەکان و بەتایبەتی کریستیانەکان لە عێراق و هەرێمی کوردستان و باشترکردنی دۆخی کریستیانەکانی دەشتی نەینەوا دووپات کردەوە و جەختی لە گرنگیی پەرەپێدان و قووڵکردنەوەی بەیەکەوەژیانی ئاشتیانەی نێوان پێکهاتە جیاوازەکان کردەوە.
له به‌رامبه‌ردا، پاتریارک کاردینال لویس ساکۆ سوپاس و پێزانینی خۆی بۆ پشتیوانیی بەردەوامیی هەرێمی کوردستان لە کریستیانەکان دەربڕی.
تُتاح هذه الصورة أيضا في: کوردی