“کۆنفڕانسێ ئازاديا ئایینی دێ ب ڕێڤەچت”
بەڕێوەبەری پێکەوەژیان لە وەزارەتی ئەوقاف و کاروباری ئایینی ڕایگەیاند: لە مانگی ئۆکتۆبەری داھاتوو کۆنفڕانسی ئازادی ئایینی بەڕێوەدەچێت و ساڵانەش ئەو کۆنفڕانسە بەردەوام دەبێت.
ئەمیر عوسمان، بەڕێوەبەری پێکەوەژیان لە وەزارەتی ئەوقاف بە مالپەڕی فەرمیی پارتی دیموکراتی کوردستانی راگەیاند: بڕیارە لە رۆژی ٢٧ی ئۆکتۆبەری ئەمساڵ کۆنفڕانسی ئازادی ئایینی لەلایەن وەزارەتی ئەوقافەوە بەڕێوەبچێت و تێیدا چەندین دیبەیت لەبارەی پرسی ئازادی ئایینی لە هەرێمی کوردستان لەلایەن کەسانی شارەزاوە بەڕێوەدەبرێن.
بەڕێوەبەری پێکەوەژیان گوتیشی: ساڵانە ئەو کۆنفڕانسە بەڕێوەدەچێت بۆ پرسی ئازادی ئایینی و باوەڕ و ھەموو ئایینەکانیش بەشداری کۆنفڕانسەکە دەکەن، بەمەبەستی زیاتر گەشەکردنی پرسی ئازادی ئایینیو پێکەوەژیانی ئایینەکان لەھەرێمی کوردستان.
ئەمیر عوسمان ئاماژەی بۆ ئەوە کرد: ھەموو ئامادەکاریەک بۆ کۆنفڕانسەکە دەکرێت لە مانگی ئۆکتۆبەر و بەرنامەی کۆنفڕانسەکە لەلایەن وەزارەتی ئەوقافەوە ئامادە دەکرێت.
تُتاح هذه الصورة أيضا في: کوردی