90هەزار وەلاتی ل ناڤ فەللوجەدا ماینە
K24_هەولێر
نەتەوەیێن ئێكگرتی ژمارەیا وان وەلاتیێن ل ناڤ فەللوجەدا ماین، ب 90 هەزار كەسان مەزەندە دكت.
لیز گراند، رێكخەرا كاروبارێن پرۆسا مرۆڤی ل رێكخراوا نەتەوەیێن ئێكگرتی،دەربارەی ژمارەیا وەلاتیێن دوورپێچكری ل ناڤ فەللوجە راگەهاند:”ل گۆر زانیارییان پێشبینی دكەین ژمارەیا وان كەسانێن ل ناڤ فەللوجەدا ماین ل ناڤبەرا 80 بۆ 90 هەزار كەسان بن”.
ل دەستپێكا دەستپێكرنا ئۆپەراسیۆنا كۆنترۆلكرنا فەللوجە هەتا نۆكە، ب دەهان خێزانان كاریە ل دەستێ داعشێ ب رەڤن، پێشتر ژی نەتەوەیێن ئێكگرتی هۆشداری دا دەربارەی هەبوونا 50 هەزار وەلاتیێن سڤیل دابوو، كو ل باژێرێ دا دوورپێچكرینە و ژیانا وان ل مەترسیێ دایە.
باژێرێ فەللوجە ل پارێزگەها ئەنبار دەستپێكا سالا 2014 كەفتە بندەستێ چەكدارێن داعش و سەرەرای هەولێن بەردەوامێن هێزێن عێراقی بۆ گرتنا وی باژێری،بەلێ فەللوجە هێشتا ل بندەستێ داعشدایە و باژێر ب پێگەهەكێ سەرەكی یێ داعش دئێتە هژماركرن ل عێراقێ.
تُتاح هذه الصورة أيضا في: کوردی