ل خانه‌سۆرێ دێ یاریه‌كا تەپاپێ بۆ بیرئانینا قوربانیێن روودانا هاتنوچۆنا شنگالێ ئێته ئه‌نجام دان
تۆرا لالش
ل رۆژا ئێک شەمبووێ، رێکەفتی ٢٥ێ تەباخا ٢٠٢٤ێ، نڤیسینگەها لالش یا خانەسۆرا کەڤن دێ یاریەکا تەپاپێ یا ل یاریگەها خانەسۆرێ ساز کەت، ئەڤ چالاکییه دێ ئێتە ئەنجامدان ئه‌وژی ژ بۆ بیرئانینا وان گەنجێن کو گیانێ خۆ ژدەست دایین د روودانەکا ترافیکێ دا ل سەر رێیا دناڤبەرا شنگال و ته‌له‌عفه‌ر.
ئەڤ بویەرا دلتەزێن ل رێکەفتی ١٨ی تەباخا ٢٠٢٤ێ روودا، هەشت کەسان د روودانەکا هاتنوچۆنێ دا ل سەر رێبا دناڤبەرا مووسل و شنگال دا ژیانا خۆ ژدەست دان، رێڤەبەرێن چالاکیێ هیڤی ژ خودێ مەزن خواست کو جهێ هەموو قوربانیان به‌هشت بت.
نڤیسینگەها لالش داخوازێ ژ خەلکی دکه‌ت کو ئامادەیی ڤێ یاریێ، و دبێژت ئەڤ چالاکییه نیشانا هەڤگرتن و پشتەڤانییا جڤاکی یە د دەمێن زەحمەت دا، و رێزگرتنە ژ بیرئانینا وان کەسێن ژیانا خۆ ژدەست دایین.
تُتاح هذه الصورة أيضا في: کوردی
