پشتی چهندین ناكۆكییان عیراق رازی بوو یاریێ ل سعوودیێ بكهت
waar -دهۆك:
ئێكهتییا فوتبۆلا عیراقێ دووباره پێگیرییا خۆ ب بریارا دادگهها كاس دیاركر، ژبۆ یاریكرنێ بهرامبهر ههلبژارتیێ سعوودیێ ل 28 ئادارا بهێت ل یاریگهها جهوههره یا باژێرێ جده ، ژ چارچۆڤێ ههڤركیێن قۆناغا دووێ یا ڤاڤارتنێن ئاسیا بۆ مۆندیالا رۆسیا 2018، بهرپرسێ راگههاندنا ئێكهتییا فوتبۆلا عیراقێ محهمهد خهلهف د داخویانیێن رۆژنامهڤانی دا راگههاند .. بریارا دادگهها كاس یا ئێكلاكهره و شیاندا نینه دووباره پێداچوون لسهر بهێته كرن یان تانه لێ بهێته دان، زێدهتر خهلهفی گۆت : ئهگهر عیراقێ ههلویستهكێ دی ههبیت ، دێ خۆ تووشی جزایێن دارایی و كارگێری ژلایێ فیفایێ ڤه كهت، و پێدڤییه ههلبژارتیێ عیراقێ ب راهێنهر و یاریكهرێن خۆڤه بهرههڤیێن باش بۆ ڤێ یاریێ بكهن و بهرسڤا درۆست دناڤ یاریگهها سعوودیێ دا بهێته دان، ههژی گۆتنێ یه، عیراق ب سێ خالان ل رێزا پێنجێ و بهری دووماهیێ ژ كۆما دووێ یا ئاسیا دهێت، ئهوا ههلبژارتیێ سعوودیێ ب 10 خالان سهركێشییا وێ دكهت.
تُتاح هذه الصورة أيضا في: کوردی