سالڤەگەرا کارەساتا شنگال ب شەرمەزارکرنا کریارێن هۆڤانهيێن داعشێ ل شاريا هاتە ساخکرن
تۆرا لالش يا راگههاندنێ
ژبۆ بیرئانینا کارەساتا شنگال و گههاندنا هیڤی و داخوازیێن خەلکێ شنگال بۆ لایەنێن بەرپرس و شەرمەزارکرنا کریارین داعش یێن هۆڤانە،ل رێككهفتى 3/8/2016 بنگەهێ لالش تایێ شاریا ب هەڤکاری دگەل لقێ 17 یێ پارتی دیموکراتی کوردستان و کارگێریا کەمپا شاریا و بنگەهێ لالش تایێن شنگال و سنوونێ و رێکخراوا هاریکار و گرۆپێ خۆرتێن شنگالێ،رابوون ب ساخکرنا سالڤەگەرا کارەساتا شنگالێ.
ب ئامادەبوونا “ڤیان دةخیل”ئەنداما پەرلەمانێ عراقێ و کارگێرێ لقا 17 یا شنگالێ و ژمارەکا مەزن ژ کەسایەتیێن ئیداری و حزبی و جڤاکی و رەوشەنبیر و خەلکێ کەمپا شاریا و کۆمەلگەها شاریا،سالڤهگهر هاته ساخكرن.
دڤێ بیرئانینێدا كو ژ چەندین برگێن جۆراو جۆر پێك دهات، ل دەستپێکێ چەندین پەیڤ هاتنە خواندن ژوان، پەیڤا “ڤیان دةخیل” ئەنداما پەرلەمانێ عێراقێ و پەیڤا لقێ 17 یێ پارتی دیموکراتی کوردستان و پەیڤا کچێن رزگاربوویێن دەستێ تیرۆرستێن داعش،هەروەسان چەندین سترانێن گرێدای کارەساتا شەنگال هاتنە گوتن و چەندین دروشم و وێنێن گرێدايی ڤێ کارەساتێ هاتنە بلندکرن.
ئەڤ چالاکی ب بەردانا 11 کۆترێن ئاشتیێ ژلایێ “دلگش سهلیم” بەرپرسێ بنگەهێ لالش تایێ شاریا و “سعود مصتو”رێڤەبەرێ کەمپا شاریا و هژمارەکا زارۆكان ڤه ب داوی هات.
تُتاح هذه الصورة أيضا في: کوردی