شاندەكێ جڤاتا پارێزگەها نەینەوا سەرەدانا بنگەهێ لالش ئەلمانیا دكت
تۆرا لالش یا راگەهاندنێ
ل رێككەفتی 8نیسانا 2017ێ،شاندەكێ پێكهاتی ژ”گلستان حەسەن” و “بەرەكات شەمۆ”ئەندامێن فراكسیۆنا برایەتی ل جڤاتا پارێزگەها نەینەوا،سەرەدانا ئاڤاهیێ بنگەهێ لالش ئەلمانیا كرن و ژبال بەرپرسێ بنگەهی ڤە هاتنە پێشوازیكرن.
ل بەراهیێ بخێرهاتنا شاندی هاتە كرن،پاش سەرۆك و ئەندامێن بنگەهی ئاخڤین ل سەر كارێن بنگەه پێ رادبت ل ئەلمانیا و ب تایبەت پشتی فەرمانا 3ئابا 2014ێ.
هەروەسا ئەندامێن شاندی رۆلێ بنگەهێ لالش چ ل كوردستانێ یان ل ئەلمانیا هەلسەنگاند بۆ خزمەتكرنا جڤاكێ ئێزدی ب شێوەیەكی تایبەت و كوردستانێ ب شێوەیەكی تایبەت.
ژلایەكێ دیڤە شاند ل سەر پرۆژێن خۆ بۆ خزمەتكرنا خەلكێ دەڤەرێ ئاخڤین و ئەوا فراكسیۆن پێ رادبت و بەربەست و ئاستەنگێن فراكسیۆن تووشدبتێ،هەروەسا پلان و بەرنامێ بۆ رزگاربوویان ژ دەستێن تیرۆرستێ، داعش دا دیاركرن.
سەرەدانا شاندێ فراكسیۆنا برایەتی بۆ ئەلمانیا هات پێخەمەت سەرەدان و دیتنا رەوشا رزگاربوویان و خێزانێن ئێزدی ئەوێن ل پارچا بادن فورتنبورغ ئاكنجی و بەرێخۆدانا كاوادنێن ژیانا وان.
تُتاح هذه الصورة أيضا في: کوردی