مەحما خەلیل: مانا پەکەکێ ل شنگالێ ئالۆزييان دروست دکت
باسنيوز:
قایمقامی قەزای شنگال ئاماژە بەوە دەکات لە بەرژەوەندیی پەکەکەدا نییە لە شنگال بمینێتەوە و دەڵێت: “دەبێ ئەم پرسە لەلایەن حزبەکانی کوردستانەوە هەڵوەستەی لەسەر بکرێت، چونکە مانەوەیان زیان بە ناوچەکە دەگەیەنێت”.
مەحما خەلیل، قایمقامی قەزای شەنگال بە (باسنیوز)ی راگەیاند: “بە هەموو شێوەیەک مانەوەی پەکەکە لە شنگال ئاڵۆزی دروست دەکات، لە بەرژەوەندیشیاندا نییە، چونکە رێکخراوەکانی کۆمەڵگای مەدەنی و رێکخراوە جیهانییەکان سکاڵای ئێمەیان گەیاندووەتە نەتەوە یەکگرتووەکان و ئەمریکاش مانەوەی پەکەکە دەستی رێکخراوەکانی بەستووە کە نەتوانن کاری خۆیان بکەن و نەتوانن لەسەر ئاوەدانکردنەوەی شارەکە بڕیاری خۆیان بدەن و تادێت دۆخی ناوچەکە ئاڵۆز دەبێت”.
قایمقامی شنگال لە درێژەدا ڕاشیگەیاند: “پەکەکە دەستی بەسەر بارەگا حکوومییەکاندا گرتووە و کردوونیەتیە بارەگای حزبیی خۆی و لە هەموو شوینێکیش کار دەکەن بۆ ئەوەی خەڵک بکەنە چەکداری خۆیان، بۆیە داوا دەکەین بە زووترین کات بڕیار لەسەر دەرچوونی پەکەکە لە شنگال بدرێت”.
تُتاح هذه الصورة أيضا في: کوردی